ՕԹԱՆ-ի խորհրդարանական վեհաժողովը Ուքրանիոյ դէմ Ռուսիոյ «Յանցագործութիւնները» միաձայնութեամբ ճանչցած է իբրեւ «Ցեղասպանութիւն»
ՕԹԱՆ-ի երկիրներու խորհրդարանական վեհաժողովը Ուքրանիոյ դէմ Ռուսիոյ «յանցագործութիւնները» միաձայնութեամբ ճանչցած է իբրեւ «ցեղասպանութիւն»: «Կոլոսամերիքի» կը գրէ, որ այս մասին ըսած է Լիւքսամպուրկի մէջ ընթացող վեհաժողովի մէջ Ուքրանիոյ պատուիրակութեան ղեկավար Եկոր Չեռնեւ:
«Ասիկա մեր դիւանագիտական յաղթանակն է: Հռչակագիրի վերջնական բնագիրին առնչուած մեր բոլոր հիմնական ցանկութիւնները հաշուի առնուած են», ըսած է Չեռնեւ:
Հռչակագիրը կ՛աջակցի ռուսական զինուորական յանցագործութիւններու համար միջազգային դատարանի ստեղծման եւ կը խոստանայ Ուքրանիոյ օգնել յաղթելու:
Վեհաժողովի մասնակիցները յայտարարած են իրենց յանձնառութիւնը վերականգնելու Ուքրանիոյ տարածքային ամբողջականութիւնը, կիրարկելու հետագայ պատժամիջոցները եւ օգնել վերականգնելու երկրի տնտեսութիւնը Մարշալի ծրագիրին համաձայն:
Ուքրանիոյ նախագահ Վոլոտիմիր Զելենսքի իր տեսաուղերձին մէջ բարձր գնահատած է ՕԹԱՆ-ի Խորհրդարանական վեհաժողովի հռչակագիրը:
«Իրերը իրենց անուններով կոչուած են` մեր պետութեան դէմ Ռուսիոյ յանցագործութիւններու յստակ ճանաչում` իբրեւ ցեղասպանութիւն, ֆաշական գաղափարախօսութեան յստակ դատապարտում: Ասիկա ճիշդ հիմք է նաեւ այլ միջազգային կազմակերպութիւններու համար», ըսած է ան:
Աղբիւրը՝ Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
