Մաքրոն կը մտադրէ Փաշինեանի եւ Ալիեւի հետ քննարկել Լաչինի Մինջացքի հարցը
Այս շաբաթ ես պիտի խօսիմ Նիկոլ Փաշինեանի եւ Իլհամ Ալիեւի հետ: Մենք պիտի պահանջենք Լաչինի մարդասիրական միջանցքի վերաբերեալ համաձայնութիւններու լիարժէք պահպանում:
Ֆրանսայի նախագահ Էմանուել Մաքրոն դեսպաններու խորհրդաժողովի ընթացքին ըսած է, որ այս շաբաթ բանակցութիւններ պիտի վարէ Հայաստանի եւ Ազրպէյճանի ղեկավարներուն հետ եւ հանդէս պիտի գայ նոր դիւանագիտական նախաձեռնութեամբ` Լեռնային Ղարաբաղի մէջ տագնապը լուծելու համար:
«Այս շաբաթ ես պիտի խօսիմ Նիկոլ Փաշինեանի եւ Իլհամ Ալիեւի հետ: Մենք պիտի պահանջենք Լաչինի մարդասիրական միջանցքի վերաբերեալ համաձայնութիւններու լիարժէք պահպանում:
«Ինչպէս նաեւ նոր դիւանագիտական նախաձեռնութեան պիտի սկսինք, որպէսզի միջազգային ասպարէզին մէջ ուժեղացնենք ճնշումը Ազրպէյճանի վրայ», ըսած է Ֆրանսայի նախագահը:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
29/08/2023, 09:00
