Հայաստանեան առաջին արբանեակը տիեզերք արձակուեցաւ
Բարձր արհեստագիտութեան արդիւնաբերութեան ներկայացումով` «Հայասաթ-1» արբանեակը ստեղծուած է «Բազումք»-ի եւ Գիտական նորարարութեան եւ կրթութեան կեդրոնին կողմէ:
Ուրբաթ օր Երեւանի ժամանակով ժամը 22:18-ին Միացեալ Նահանգներու «Սփէյս-ԷՔՍ» ընկերութեան հրթիռով հայկական արտադրութեան «Հայասաթ-1» արբանեակը արձակուեցաւ տիեզերք:
Բարձր արհեստագիտութեան արդիւնաբերութեան ներկայացումով` «Հայասաթ-1» արբանեակը ստեղծուած է «Բազումք»-ի եւ Գիտական նորարարութեան եւ կրթութեան կեդրոնին կողմէ:
Արբանեակը մշակած «Բազումք»-ը այս տարուան 7 սեպտեմբերին Հայաստանի Հանրապետութեան պետական համապատասխան կառոյցին կողմէ ստացած էր տիեզերական գործունէութիւն իրականացնելու արտօնագիր:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
04/12/2023, 07:45
