Հայաստանի եւ Ատրպէյճանի սահմանագծման գործընթացը բաւականին բարդ եւ երկար պիտի ըլլայ. Հայաստանի փոխվարչապետ

Հայաստանի փոխվարչապետ Մհեր Գրիգորեան Ազգային ժողովին մէջ, կառավարութեան հետ հարցում-պատասխան օրակարգին ընթացքին, պատասխանելով «Հայաստան» խմբակցութեան պատգամաւոր Աննա Գրիգորեանի հարցումին՝ ըսաւ, որ Հայաստանի եւ Ատրպէյճանի սահմաններու սահմանագծման գործընթացը բաւական բարդ եւ երկար պիտի ըլլայ։

«Կարծես թէ, փոխադարձ ընկալում կայ, որ դելիմիտացիայի (սահմանազատման) գործընթացն իրականացուելու է բացառապէս իրաւական նշանակութիւն ունեցող փաստաթղթերի հիման վրայ: Երկրորդը` մենք աշխատելու ենք քարտէզներով, որոնք ոչ թէ նկարներ կամ քարտէզի տիպի սխեմաներ (յատակագիծեր) են, այլ իրական տոպոգրաֆիկ (տեղագրական) քարտէզներ են: Օրինակ` 1975 թուականի քարտէզը, դա մանրակրկիտ պէտք է հետազօտուի: Չկայ դելիմիտացիայի որեւէ դիսկրետ (անջատ) լուծում: Չի լինելու մի հանդիպում, որից յետոյ մենք գանք եւ յայտարարենք, որ դելիմիտացիայի գործընթացն աւարտուած է: Դա ուղղակի անհնարին է», ըսաւ Գրիգորեան:

Անդրադառնալով սահմանազատման հարցերու Հայաստանի եւ Ատրպէյճանի յանձնաժողովներու վերջին աշխատանքային հանդիպման արդիւնքներուն՝  Գրիգորեան ըսաւ, որ այս անգամ համաձայնած են հաստատել աշխատակարգ, որ կը նկարագրէ աշխատանքի հետեւողական ընթացքը:

Ան բովանդակային մանրամասնութիւններ չներկայացուց վերջին հանդիպումէն, որովհետեւ «չի էլ քննարկուել` այդ թւում անկլաւներ (ներգաւառներ, միջերկիրներ) ու էքսկլաւների (արտագաւառներու) մասին։ Դժուար է ասել վերջնականապէս այդ հարցն ունի՞ որեւէ իրաւական նշանակութիւն ունեցող հիմք, թէ՞ չունի»:

ՌՈՒՍԻԱ Կ՛ՈՂՋՈՒՆԷ

Ռուսիա ողջունեց սահմանազատման հարցով Հայաստանի եւ Ատրպէյճանի ներկայացուցիչներուն հանդիպումը «համատեղ սահմանին»։ Լրագրողներու հետ ունեցած զրոյցի մը ընթացքին այս մասին յայտնեց Ռուսիոյ արտաքին գործոց նախարարութեան բանբեր Մարիա Զախարովա:

Ան աւելցուց, թէ երթեւեկութեան հաղորդակցութեան կապերը ապաշրջափակելու՝ փոխվարչապետերու մակարդակով եռակողմ խումբին աշխատանքներու ձգձգումները դէմ են տարածաշրջանի երկիրներուն, որոնց կարգին Հայաստանի շահերուն։

Աղբիւրը` Ասպարէզ