Կազայի մէջ. Պատերազմը դեռ պիտի շարունակուի

Իսրայէլը նախազգուշացուցած է, որ պատերազմը Կազայի մէջ պիտի շարունակուի 2024 թուականին: Իսրայէլի պաշտպանութեան բանակի խօսնակ Տանիէլ Հակարին ամանորեայ ուղերձին մէջ ըսած է, որ իսրայէլեան զօրքերը կը պատրաստուին շարունակելու մարտերը 2024 թուականին:

«Իսրայէլեան բանակը պէտք է նախօրօք ծրագրէ գործողութիւնները` հասկնալով, որ պիտի ըլլան լրացուցիչ առաքելութիւններ, եւ մարտերը պիտի շարունակուին տարուան մնացած ժամանակահատուածին», -ըսած է ան ըստ BBC-ի:

Յայտարարութիւնը հնչած է այն բանէն ետք, երբ պաղեստինեան ՀԱՄԱՍ շարժումը հրթիռներ արձակած է Իսրայէլի վրայ Նոր տարուան գիշերը՝ ճիշդ կեսգիշերին: Օդային տագնապի ազդանշանները հնչած են ամբողջ Իսրայէլի մէջ:

Աղբիւրը՝ Արեւելք