ԻՒՆԻՍԵՖ. Ուքրանիոյ մէջ աւելի քան 50 հազար երեխաները ստացան ձմեռային հագուստներ

Վազգէն Աբարդեան - Վատիկան

Ուքրանիոյ արեւելեան եւ հարաւային շրջաններէն ներս աւելի քան 49.910 երեխաներ ստացան ձմեռային հագուստներ, որոնցմէ 20000 կը բնակին Խարխիվսքա մարզին մէջ։

Ուքրանիոյ մէջ ձմեռային ծանր պայմանները դիմագրաւելու համար, ԻՒՆԻՍԵՖԸ՝ մարդասիրական օգնութեան գրասենեակի զօրակցութեամբ օգնութիւններ տրամադրեց ընտանիքներում եւ երեխաներուն, բաժնելով աւելի քան 125000 ձմեռային հագուստներ, 100 վերմակներ եւ պատերազմէն տուժած մարզերուն մէջ ելեկտրականութիւն արտադրող 100 մեքենաներ։

ԻՒՆԻՍԵՖ-ի այս օգնութեան ծրագիրը մաս կը կազմէ աւելի ընդարձակ յայտագիրի, որ կը ներառէ կառոյցներու վերականգումը, ինչպէս հիւանդանոցներու եւ դպրոցներու մէջ ջրամատակարարման եւ ջեռուցման համակարգերը։

ԻՒՆԻՍԵՖ-ը ելեկտրականութիւն արտադրող մեքենաներ բաժնեց նաեւ ջրամատակարարող ընկերութիւներուն ապահովուելով մշտական ջրամատակարարում։ Օգնութիւնները բաշխուած են շտապ կարիք ունեցող մարզերուն մէջ։