Ռոպերթա Մեցոլա վերընտրուած է Եւրոպական Խորհրդարանի նախագահ

Մալթացի քաղաքական գործիչ Ռոպերթա Մեցոլա վերընտրուած է Եւրոպական խորհրդարանի նախագահ: Ան 2,5 տարի պիտի պաշտօնավարէ:

Քուէարկութիւնը հեռարձակուած է խորհրդարանի կայքին վրայ: Մեցոլայի թեկնածութեան օգտին քուէարկած է խորհրդարանի 720 անդամներէն 562-ը:

Անոր մրցակիցը` Սպանիայէն երեսփոխան, «Փոտեմոս» («Մենք կարող ենք») ձախակողմեան սպանական կուսակցութեան անդամ Իրեն Մոնթերոն էր:

45-ամեայ Մեցոլա Եւրոպական խորհրդարանի անդամ ընտրուած է 2013 թուականին: Ան կը ներկայացնէ եւրոպական օրէնսդիր մարմինի մեծագոյն խորհրդարանական ուժը` աջ կեդրոնի Եւրոպական ժողովրդական կուսակցութիւնը:

Աղբիւրը` Ազդակ