Հայկական ժողովրդական երգեր. Բաղչաները խոտ կ’ըլլի պարերգը
Այսօր ներկայացնում ենք Տերսիմի շրջանում վերջին տարիներին գրառուած հայկական մի պարերգ, որը կոչւում է «Բաղչաները խոտ կ’ըլլի։ Նկատի ունենանք, որ Տերսիմի շրջանը, ըստ հայկական վարչական բաժանման, մօտաւորապէս համընկնում էր Չմշկածագի շրջանին։
Այս երգն ընդգրկուած է «Ակունք» անսամՊպլի և ազգութեամբ զազա երաժիշտ Միքայէլ Ասլանի համատեղ թողարկած «Փեթակ» սկաւառակում։
Այս երգի մասին զրուցելիս «Ակունք» անսամպլի գեղարուեստական ղեկավար Սարգիս Ալավերդեանն ասաց. «Սա շուրջպարային երգ է:
Նրանում ասւում է, որ բախչաներում խոտ է լինում, ցորենն ու գարին էլ նրա հետ են լինում: Յետոյ ասւում է, որ տղան աղջկայ սիրուց խենթացել, ընկել է փողոցները: Ապա երգի հերոսը նկարագրում է իր սիրելիին, թէ բարակիրան է, բոյը՝ երկար և այլն: Ապա կանչում է իրենց տուն, թէ «քեզ ղուրբան, այսինքն մատաղ կլինեմ»:
Վերջին քառատողի մէջ ասում է, որ ծառի վրայ նուշ է լինում, ի՞նչ կլինի, մի համբոյր տուր: Ու թէ պէտք է համբոյր տա, թող էլ չձգձգիր, վաղուան մնա՝ գուցէ ուշ լինի:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
