Համալսարանական բաց դռներու օր Մեսրոպեան Վարժարանին մէջ

14 Նոյեմբեր 14 2024-ին, Հայ կաթողիկէ Մեսրոպեան բարձրագոյն վարժարանի Արեւելումի եւ գործի եւ գրասենեակին կազմակերպութեամբ տեղի ունեցաւ Համալսարանական բաց դռներու օր մը, որուն մասնակցեցան 19 համալսարաններ, որոնցմէ մէկը՝ Կիպրոսէն, ներկայացնելով օգտակար տեղեկութիւններ իրենց բաժանմունքներուն եւ մասնագիտութիւններուն, ինչպէս նաեւ իրենց մատուցած ծառայութիւններուն եւ կրթաթոշակներուն մասին։

Մեսրոպեանի երկրորդական բաժնի աշակերտները (10-րդ, 11-րդ եւ 12-րդ դասարաններ) ծանօթացան այս համալսարաններու ներկայացուցիչներուն հետ եւ ստացան օգտաշատ տեղեկութիւններ, որոնք օգնեցին իրենց աւելի յստակ պատկերացում ունենալու իրենց բարձրագոյն ուսման հետապնդման եւ ապագայ մասնագիտական ուղիին ամուր հիմերու վրայ դնելու մասին։

Մեսրոպեան վարժարանի տնօրէն պարոն Կրէկուար Գալուստ շնորհակալութիւն յայտնեց բոլոր համալսարաններուն, որոնք մասնակցեցան այս կարեւոր կրթական ձեռնարկին եւ մաղթեց անոնց շարունակական յաջողութիւն: Ան հաւաստիացուց, որ տնօրէնութիւնը պիտի շարունակէ աշխատիլ զանազան հաստատութիւններու հետ դպրոցի հիմնական նպատակին համար, որն է աշակերտներուն յաջողութիւնը՝ անոնց տրամադրելով լաւագոյնը կրթական մարզէն ներս, հակառակ այսօրուայ բազմաթիւ դժուարութիւններուն։