Ռայի Պատրիարք. «Եթէ տեղահանութիւնը անտեսուի, քաղաքացիներու միջեւ ընկերային ու Տնտեսական խնդիրներու պատճառ պիտի դառնայ»
Մարոնիներու Ռայի պատրիարքը յայտնեց. «Ժողովուրդն է աղբիւրը իշխանութեան եւ տէրը գերիշխանութեան, զորս կը գործադրէ սահմանադրական հաստատութիւններու ճամբով»:
«Նախագահը չընտրելու շարունակման, խորհրդարանի եւ նախարարաց խորհուրդի աշխատանքի անկանոնութեան նկատմամբ ժողովուրդի կարծիքը ի՞նչ է: Իսրայէլի եւ Հըզպալլայի միջեւ քանդիչ պատերազմին մասին ժողովուրդի կարծիքը ի՞նչ է. վստահ ժողովուրդը քանդիչ զէնքերուն կիրարկման լոյսին տակ անոր դէմ է», ըսաւ Ռայի պատրիարքը:
«Աւելի՛ն, մինչեւ ե՞րբ զինադադար պիտի չհաստատուի: Պատերազմին մէջ բոլորը պարտուած ու բեկանուած են, եւ տեղահանութիւնը յաւելեալ խնդիրներ կը ստեղծէ, եւ պէտք է պահպանել սեփական կալուածները», յայտնեց ան:
«Եթէ տեղահանութիւնը անտեսուի, քաղաքացիներուն միջեւ ընկերային ու տնտեսական խնդիրներու պատճառ պիտի դառնայ», նշեց ան:
«Պէտք է տարակարծութիւններու ուրուականը հեռացնել եւ դատարկել կրթական հաստատութիւնները, որովհետեւ կրթութիւնը սննդեղէնի պէս կարեւոր է մեր զաւակներուն համար», յայտնեց մարոնիներու պատրիարքը:
«Ապահովութեան խորհուրդին եւ արաբական ու միջազգային ընտանիքներուն կոչ կ՛ուղղենք` դիւանագիտական միջամտութիւն կատարելու եւ դադրեցնելու Հըզպալլայի ու Իսրայէլի միջեւ պատերազմը», յայտնեց Ռայի պատրիարքը:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
