Ռայի Պատրիարքը խորհրդարանի 9 յունուարի նիստի ընթացքին նախագահի ընտրութեան նկատմամբ յոյս կը յայտնէ

Մարոնիներու Ռայի պատրիարքը Սայիտաթ Ժապալի հանդիպումէն պատուիրակութեան մը հետ տեսակցութեան ընթացքին յայտնեց. «Սահմանադրութիւնը Լիբանանի ողնասիւնն է, եւ երբ անիկա ոտնահարուի, երկիրը կանգ կ՛առնէ»:

«Սահմանադրութիւնն ու Թաէֆի համաձայնութիւնը զիրար կ՛ամբողջացնեն, ուստի կը պահանջենք գործադրել անոր տառն ու ոգին, եւ ան որ չ՛ուզեր Թաէֆի համաձայնութիւնն ու զայն կը մերժէ, իր շահերուն դէմ ըլլալուն համար է, որ զայն չ՛ուզեր ու կը մերժէ», աւելցուց ան:

Ռայի պատրիարքը յոյս յայտնեց, որ 9 յունուարին հանրապետութեան նախագահ ընտրուի, որպէսզի ընթացք առնէ վերաշինութեան աշխատանքը, սահմանադրութեան եւ Թաէֆի համաձայնութեան տառին եւ ոգիին գործադրութիւնը, «եւ այդ ատեն կարելի կ՛ըլլայ, որ նոր Լիբանան մուտք գործենք»:

Մարոնիներու պատրիարքը նաեւ ընդունեց Ազգային ազատ հոսանք կուսակցութեան ղեկավար, երեսփոխան Ժըպրան Պասիլի պատուիրակ երեսփոխան Ժորժ Աթալլան, որ Ռայի պատրիարքին ներկայացուց 9 յունուարի խորհրդարանական նիստին գծով համաձայնութեան ձեւաւորման համար Ազգային ազատ հոսանք կուսակցութեան հաղորդակցութիւնները:

Աղբիւրը՝ Ազդակ