ಬಿಷಪ್ ಡೇವಿಡ್ ವಾಲರ್: ಆರ್ಡಿನರಿಯೇಟ್ ಆಫ್ ಅವರ್ ಲೇಡಿ ಆಫ್ ವಾಲ್ಸಿಂಗಂ

ಆಂಗ್ಲಿಕನ್ ಕಮ್ಯೂನಿಯನ್ ಹಾಗೂ ಕಥೋಲಿಕ ಧರ್ಮಸಭೆಗೆ ಸೇತುಬಂಧವಾಗಿ ಕಾರ್ಯನಿರ್ವಹಿಸುತ್ತಿರುವ ಆರ್ಡಿನರಿಯೇಟ್ ಆಫ್ ಅವರ್ ಲೇಡಿ ಆಫ್ ವಾಲ್ಸಿಂಘಮ್ ನ ಮೊದಲ ಧರ್ಮಾಧ್ಯಕ್ಷರಾಗಿ ಬಿಷಪ್ ಡೇವಿಡ್ ವಾಲರ್ ಅವರು ಅಭ್ಯಂಗಿತರಾಗಿದ್ದಾರೆ.

ವ್ಯಾಟಿಕನ್ನಿನ ವಿಶ್ವಾಸ ಪೀಠದ ಫ್ರಿಫೆಕ್ಟ್ ಕಾರ್ಡಿನಲ್ ವಿಕ್ಟರ್ ಮ್ಯಾನುಯೆಲ್ ಫರ್ನಾಂಡೆಝ್ ಅವರು ಬಿಷಪ್ ಡೇವಿಡ್ ವಾಲರ್ ಅವರನ್ನು ಧರ್ಮಾಧ‌್ಯಕ್ಷರಾಗಿ ಅಭ್ಯಂಗಿಸಿದರು. "ಒಳ್ಳೆಯ ಕುರುಬ ಒಳಗಿನಿಂದ ಮುನ್ನಡೆಸುತ್ತಾನೆ" ಎಂದು ಅವರು ಹೇಳಿದ ಮಾತು ನಿಯೋಜಿತ ಧರ್ಮಾಧ್ಯಕ್ಷ ಡೇವಿಡ್ ವಾಲರ್ ಅವರನ್ನು ಪ್ರೋತ್ಸಾಹಿಸಿತು.

ವೆಸ್ಟ್'ಮಿನಿಸ್ಟರ್ ಮಹಾಧರ್ಮಕ್ಷೇತ್ರದ ಮಹಾಧರ್ಮಾಧ್ಯಕ್ಷ ಕಾರ್ಡಿನಲ್ ವಿನ್ಸೆಂಟ್ ನಿಕೋಲ್ಸ್ ಸೇರಿದಂತೆ ಹಲವಾರು ಧರ್ಮಾಧ್ಯಕ್ಷರು, ಗುರುಗಳು ಹಾಗೂ ಧಾರ್ಮಿಕ ಸಹೋದರ ಸಹೋದರಿಯರು ಬಲಿಪೂಜೆಯಲ್ಲಿ ಪಾಲ್ಗೊಂಡಿದ್ದರು.