ಜಪಾನಿನ ಮೊದಲ ಕ್ರೈಸ್ತ ದೇವಾಲಯಕ್ಕೆ ನೂರೈವತ್ತು ವರ್ಷಗಳ ಸಂಭ್ರಮ

ವರದಿ: ಮಾರ್ಕ್ ಸಾಲುದೆಸ್, ಲಿಕಾಸ್ ನ್ಯೂಸ್

ಜಪಾನಿನ ಕಥೋಲಿಕ ಪರಂಪರೆಯ ಮೂಲೆಗಲ್ಲಾಗಿರುವ ಸುಕಿಜಿ ಕ್ರೈಸ್ತ ದೇವಾಲಯವು ತನ್ನ ಸ್ಥಾಪನೆಯ ನೂರೈವತ್ತು ವರ್ಷಗಳ ಸಂಭ್ರಮಾಚರಣೆಯನ್ನು ಮಾಡಿದೆ. ಈ ಹಿನ್ನೆಲೆಯಲ್ಲಿ ಜೂನ್ ೩೦ ರಂದು ಸಾಂಭ್ರಮಿಕ ಬಲಿಪೂಜೆಯನ್ನು ಅರ್ಪಿಸಲಾಗಿದ್ದು, ಮಹಾಧರ್ಮಾಧ್ಯಕ್ಷ ಇಸಾವೋ ಕಿಕುಚಿ ಅವರು ಬಲಿಪೂಜೆಯನ್ನು ಅರ್ಪಿಸಿದ್ದಾರೆ. 

ಸಂತ ಜೋಸೆಫರ ಹಳೆಯ ಪ್ರಧಾನಾಲಯ ಎಂದು ಕರೆಯಲ್ಪಡುವ ಸುಕಿಜಿ ಕ್ರೈಸ್ತ ದೇವಾಲಯವು ಜಪಾನಿನ ಮೊದಲ ಕಥೋಲಿಕ ಕ್ರೈಸ್ತ ದೇವಾಲಯ ಎಂಬ ಹಿರಿಮೆಗೆ ಪಾತ್ರವಾಗಿದೆ.

ಈ ದೇವಾಲಯವನ್ನು ಪ್ರಪ್ರಥಮ ಬಾರಿಗೆ ಎಂಇಪಿ ಸಭೆಯ ಗುರುಗಳು ೧೮೭೪ ರಲ್ಲಿ ಆರಂಭಿಸಿದರು. ಇದನ್ನು ೧೮೯೧ ರಲ್ಲಿ ಪೂರ್ಣಗೊಳಿಸಲಾಗಿ, ಇದು ೧೯೨೦ ರವರೆಗೂ ಪ್ರಧಾನಾಲಯವಾಗಿ ಕಾರ್ಯನಿರ್ವಹಿಸುತ್ತಿತ್ತು. ತದನಂತರ ಇದರ ಪ್ರಧಾನಾಲಯ ಎಂಬ ಪದವಿಯನ್ನು ಸೆಕಿಗುಚಿ ದೇವಾಲಯಕ್ಕೆ (ಸಂತ ಮರಿಯ ಪ್ರಧಾನಾಲಯ) ವರ್ಗಾಯಿಸಲಾಯಿತು.