ಬಿರುಗಾಳಿ ಶಂಶಾನ್ ಅಪ್ಪಳಿಸಿದ ಪರಿಣಾಮ ಜಪಾನಿನ ಲಕ್ಷಾಂತರ ಜನರ ಸ್ಥಳಾಂತರ

ವರದಿ: ಡೆಬೋರಾ ಕ್ಯಾಸ್ಟಲೀನೋ ಲುಬೋವ್, ಅಜಯ್ ಕುಮಾರ್

ಜಪಾನಿನಲ್ಲಿ ಭೀಕರ ಶಂಶಾನ್ ಎಂಬ ಬಿರುಗಾಳಿ ಬಂದು ಅಪ್ಪಳಿಸಿದ್ದು, ಇದರಿಂದ ಮೂರು ಜನರು ಮೃತಹೊಂದಿದ್ದು, ಸಾವಿರಾರು ಜನರು ಆಸ್ತಿಪಾಸ್ತಿ ನಷ್ಟವನ್ನು ಅನುಭವಿಸಿದ್ದಾರೆ ಎಂದು ವರದಿಯಾಗಿದೆ. 

ಜಪಾನಿನ ಕ್ಯೂಶು ದ್ವೀಪದಲ್ಲಿ ಇದು ಅತ್ಯಂತ ಭೀಕರ ವಿನಾಶವನ್ನು ಉಂಟು ಮಾಡಿರುವ ಕಾರಣ ಅಲ್ಲಿ ನೂರಾರು ಜನರನ್ನು ರಕ್ಷಿಸಿ, ಸ್ಥಳಾಂತರಿಸಲಾಗಿದೆ ಎಂದು ರಾಯಿಟರ್ಸ್ ಸುದ್ದಿಸಂಸ್ಥೆಯು ವರದಿ ಮಾಡಿದೆ.

ಈವರೆಗೂ ಈ ಬಿರುಗಾಳಿಯ ದಾಳಿಯಿಂದ ಮೂರು ಜನರು ಮೃತಹೊಂದಿದ್ದಾರೆ ಹಾಗೂ ಅಪಾರ ಆಸ್ತಿಪಾಸ್ತಿ ನಷ್ಟವಾಗಿದೆ ಎಂದು ಅಂದಾಜಿಸಲಾಗಿದೆ. ಈ ದ್ವೀಪದಲ್ಲಿ ಇದರಿಂದ ಸಂಚಾರ ದಟ್ಟಣೆ ಉಂಟಾಗಿದ್ದು, ಹಲವಾರು ಕಾರ್ಖಾನೆಗಳು ಕಾರ್ಯಭಾರವನ್ನು ನಿಲ್ಲಿಸಿವೆ.