ಕಾರ್ಲೋ ಅಕ್ಯುಟಿಸ್ ಹಾಗೂ 14 ಇತರರನ್ನು ಸಂತರ ಪದವಿಗೇರಿಸಲು ಮತದಾನ ಮಾಡಲಿರುವ ಕಾರ್ಡಿನಲ್'ಗಳು

ವರದಿ: ಕ್ರಿಸ್ಟೋಫರ್ ವೆಲ್ಸ್, ಅಜಯ್ ಕುಮಾರ್

ಜುಲೈ ೧ ರಂದು ಪೋಪ್ ಫ್ರಾನ್ಸಿಸ್ ಅವರು ಸಾಮಾನ್ಯ ಕಾರ್ಡಿನಲ್ ಸಭೆಯಲ್ಲಿ ಭಾಗವಹಿಸಲಿದ್ದು, ಈ ಸಂದರ್ಭದಲ್ಲಿ ರೋಮ್ ನಗರದಲ್ಲಿರುವ ಕಾರ್ಡಿನಲ್ಲುಗಳು ಪುನೀತ ಕಾರ್ಲೋ ಅಕ್ಯುಟಿಸ್ ಸೇರಿದಂತೆ ಇನ್ನೂ ಹದಿನಾಲ್ಕು ಪುನೀತರನ್ನು ಸಂತ ಪದವಿಗೇರಿಸಲು ತಮ್ಮ ಒಪ್ಪಿಗೆಯನ್ನು ಸೂಚಿಸಿ, ಮತ ಹಾಕಲಿದ್ದಾರೆ.

ಇವರಲ್ಲಿ ೨೦೦೦ ಇಸವಿಯ ನಂತರ ಜನಿಸಿದ ಯುವಕ ಕಾರ್ಲೋ ಅಕ್ಯುಟಿಸ್ ಸಹ ಒಬ್ಬರಾಗಿದ್ದಾರೆ. ಇವರ ಜೊತೆಗೆ ಫ್ರಾನ್ಸಿಸ್ಕನ್ ಸಭೆಯ ಎಂಟು ಜನರು ಸುವಾರ್ತಾ ಪ್ರಸಾರಕರು ಸೇರಿದಂತೆ ಧಾರ್ಮಿಕ ಸಭೆಗಳ ಸ್ಥಾಪಕರೂ ಸಹ ಇದ್ದಾರೆ.

ಪುನೀತ ಕಾರ್ಲೋ ಅಕ್ಯುಟಿಸ್ ಅವರು ೧೯೯೧ ರಲ್ಲಿ ಜನಿಸಿದ್ದು, ಇವರು ವೆಬ್ ಡಿಸೈನರ್ ಅಗಿ ಕಾರ್ಯನಿರ್ವಹಿಸುತ್ತಿದ್ದರು. ಪರಮಪ್ರಸಾದದಲ್ಲಿನ ಯೇಸುವಿನೆಡೆಗೆ ಅತ್ಯುನ್ನತ ಪ್ರೀತಿಯನ್ನು ಬೆಳೆಸಿಕೊಂಡ ಇವರು, ಪ್ರತಿನಿತ್ಯ ಜೀವನದಲ್ಲಿ ಬಲಿಪೂಜೆಯಲ್ಲಿ ತಪ್ಪದೇ ಭಾಗವಹಿಸುತ್ತಿದ್ದರು ಹಾಗೂ ಮಾದರಿ ಕ್ರಿಸ್ತೀಯ ಜೀವನವನ್ನು ನಡೆಸುತ್ತಿದ್ದರು. ಇವರ ಜೊತೆಗೆ ಇನ್ನೂ ಹಲವು ಪುನೀತರನ್ನು ಪೋಪ್ ಫ್ರಾನ್ಸಿಸ್ ಅವರು ಸಂತ ಪದವಿಗೇರಿಸಲಿದ್ದಾರೆ.