ಬೇಸಿಗೆ ಶಿಬಿರದ ಮಕ್ಕಳನ್ನು ಭೇಟಿ ಮಾಡಿದ ಪೋಪ್ ಫ್ರಾನ್ಸಿಸ್
ವರದಿ: ಸಾಲ್ವತೋರೆ ಚೆರ್ನೂಸಿಯೋ, ಅಜಯ್ ಕುಮಾರ್
ಪ್ರತಿ ವರ್ಷದಂತೆ ಈ ವರ್ಷವೂ ಸಹ ಪೋಪ್ ಫ್ರಾನ್ಸಿಸ್ ಅವರು ವ್ಯಾಟಿಕನ್ನಿನ ಮಕ್ಕಳ ಬೇಸಿಗೆ ಶಿಬಿರಕ್ಕೆ ಭೇಟಿ ನೀಡಿ ಮಕ್ಕಳೊಂದಿಗೆ ಸಮಯವನ್ನು ಕಳೆದಿದ್ದಾರೆ. ವ್ಯಾಟಿಕನ್ನಿನ ಸಿಬ್ಬಂಧಿಗಳ ಮಕ್ಕಳಿಗೆ ಪ್ರತಿ ವರ್ಷ ಬೇಸಿಗೆ ಶಿಬಿರವನ್ನು ಆಯೋಜಿಸಲಾಗುತ್ತದೆ. ಅದರಂತೆ ಈ ವರ್ಷವೂ ಸಹ ಈ ಶಿಬಿರವನ್ನು ಆಯೋಜಿಸಲಾಗಿದ್ದು, ಪೋಪ್ ಫ್ರಾನ್ಸಿಸ್ ಇಲ್ಲಿಗೆ ಭೇಟಿ ನೀಡಿದ್ದಾರೆ.
ಪೋಪ್ ಫ್ರಾನ್ಸಿಸ್ ಅವರ ಭೇಟಿಯಿಂದ ಮಕ್ಕಳು ಖುಷಿಯಾಗಿದ್ದು, ಅವರೊಂದಿಗೆ ಕಾಲವನ್ನು ಕಳೆದಿದ್ದಾರೆ.
ಇದೇ ವೇಳೆ ಪೋಪ್ ಫ್ರಾನ್ಸಿಸ್ ಅವರೊಂದಿಗೆ ವ್ಯಾಟಿಕನ್ನಿನ ಸಲೇಷ್ಯನ್ ಕೇಂದ್ರದ ನಿರ್ದೇಶಕರಾದ ಫಾದರ್ ಫ್ರಾಂಕೋ ಫೊಂಟಾನ ಅವರು ಉಪಸ್ಥಿತರಿದ್ದರು. ಇವರು ವ್ಯಾಟಿಕನ್ ಮ್ಯೂಸಿಯಂಗಳು, ಸೆಕ್ಯುರಿಟಿ ಸರ್ವೀಸ್ ಚಾಪ್ಲೀನ್ ಆಗಿದ್ದಾರೆ. ಇವರನ್ನು ಪೋಪ್ ಫ್ರಾನ್ಸಿಸ್ ಹಾಸ್ಯ ಧಾಟಿಯಲ್ಲಿ ಸೂಪರ್ ಮ್ಯಾನ್ ಎಂದು ಕರೆದಿದ್ದಾರೆ.
ಪೋಪ್ ಫ್ರಾನ್ಸಿಸ್ ಅವರು ಮಕ್ಕಳೊಂದಿಗೆ ಇಟಲಿಯ ಭಯಂಕರ ಬಿಸಿಲಿನ ಹೊರತಾಗಿಯೂ ಸಹ ಸಂವಾದವನ್ನು ನಡೆಸಿದ್ದು ಉತ್ತಮವಾಗಿತ್ತು.
