ದೈವಕರಿಗಾಗಿ ಪ್ರಾರ್ಥಿಸುವಂತೆ ಧಾರ್ಮಿಕ ಗುರುಗಳು ಹಾಗೂ ಭಗಿನಿಯರಿಗೆ ವಿಶ್ವಗುರು ಫ್ರಾನ್ಸಿಸ್ ಕರೆ

ವರದಿ: ಕ್ರಿಸ್ಟೋಫರ್ ವೆಲ್ಸ್, ಅಜಯ್ ಕುಮಾರ್

ಸಾಧಾರಣವಾಗಿ ಗುರು ಫ್ರಾನ್ಸಿಸ್ ಅವರು ಜುಲೈ ತಿಂಗಳಲ್ಲಿ ತಮ್ಮ ವಾರ್ಷಿಕ ವಿರಾಮವನ್ನು ಪಡೆದುಕೊಳ್ಳಲಿದ್ದು, ಯಾವುದೇ ಸಭೆಗಳನ್ನು ಅಥವಾ ಭೇಟಿಗಳನ್ನು ಹಮ್ಮಿಕೊಳ್ಳುವುದಿಲ್ಲ. ಆದರೆ ಇಂದು ಅವರು ವ್ಯಾಟಿಕನ್ ನಗರದಲ್ಲಿ ಹಲವು ಧಾರ್ಮಿಕ ಸಭೆಗಳ ಗುರುಗಳು ಹಾಗೂ ಭಗಿನಿಯರನ್ನು ಭೇಟಿ ಮಾಡಿ ಸಮಾಲೋಚನೆಯನ್ನು ನಡೆಸಿದರು.

ಕ್ರೈಸ್ತ ಕುಟುಂಬಗಳು ಹೆಚ್ಚಾಗಿ ಮಕ್ಕಳನ್ನು ಹೊಂದಬೇಕು ಏಕೆಂದರೆ ಆಗ ಮಾತ್ರ ಧಾರ್ಮಿಕ ಸಭೆಗಳಿಗೆ ದೈವ ಕರೆಗಳು ಸಿಗಲು ಸಾಧ್ಯವಾಗುತ್ತದೆ. ನಿಮ್ಮ ಸಭೆಗಳ ಭವಿಷ್ಯಕ್ಕಾಗಿ ಹೆಚ್ಚು ಮಕ್ಕಳ ಅಗತ್ಯವಿದೆ ಎಂದು ಅವರು ಧಾರ್ಮಿಕ ಸಹೋದರ ಸಹೋದರಿಯರಿಗೆ ಹೇಳಿದರು.

ಮುಂದುವರೆದು ಮಾತನಾಡಿದ ವಿಶ್ವಗುರು ಫ್ರಾನ್ಸಿಸ್ ನಿಮ್ಮ ಸಭೆಗಳ ಸ್ಥಾಪಕರ ಕನಸುಗಳನ್ನು ಹಾಗೂ ಆದರ್ಶಗಳನ್ನು ನಿಮ್ಮ ಮೂಲ ಉದ್ದೇಶವನ್ನಾಗಿಸಿಕೊಂಡು ಮುಂದುವರಿಸಬೇಕೆಂದು ಕರೆ ನೀಡಿದರು. ದೈವ ಕರೆ ಎಂಬುದು ಬದುಕಿನಲ್ಲಿ ದೇವರು ನೀಡುವ ವಿಶಿಷ್ಟ ವರದಾನ ಎಂದು ಸಹ ಅವರು ಹೇಳಿದರು.