ಸಿಂಗಪೋರ್ ನಗರದಲ್ಲಿ ಪೋಪ್ ಅವರ ಭೇಟಿಯ ಶೀರ್ಷಿಕೆ ಗೀತೆ ಬಿಡುಗಡೆ

ವರದಿ: ಲಿಕಾಸ್ ನ್ಯೂಸ್

ಪೋಪ್ ಫ್ರಾನ್ಸಿಸ್ ಅವರು ಸೆಪ್ಟೆಂಬರ್ ತಿಂಗಳಲ್ಲಿ ಏಷ್ಯಾ ಖಂಡದ ಹಲವು ದೇಶಗಳಿಗೆ ಪ್ರೇಷಿತ ಭೇಟಿಯನ್ನು ನೀಡಲಿದ್ದಾರೆ. ಸಿಂಗಪೋರ್ ನಗರದಲ್ಲಿ ಅವರ ಈ ಭೇಟಿಯ ಕುರಿತಂತೆ ಶೀರ್ಷಿಕೆ ಗೀತೆಯನ್ನು ಬಿಡುಗಡೆಗೊಳಿಸಲಾಗಿದೆ.

ಸಿಂಗಪೋರ್ ದೇಶದ ಕಥೋಲಿಕ ಶ್ರೀಸಾಮಾನ್ಯರು ಈ ಶೀರ್ಷಿಕೆ ಗೀತೆಯನ್ನು ರಚಿಸಿ, ಸಂಯೋಜಿಸಿ ಹಾಡಿದ್ದನ್ನು ಸಿಂಗಫೋರ್ ಕಥೋಲಿಕ ಮಹಾಧರ್ಮಕ್ಷೇತ್ರವು ತನ್ನ ಅಧಿಕೃತ ಜಾಲತಾಣದಲ್ಲಿ ಪ್ರಕಟಿಸಿದೆ.

ಈ ಗೀತೆಯು ಆದಿಕಾಂಡದಿಂದ ಹೊಸ ಒಡಂಬಡಿಕೆಯವರೆಗೂ ರಕ್ಷಣೆಯ ಇತಿಹಾಸವನ್ನು ನಿರೂಪಿಸಿದ್ದು, ಪ್ರಭು ಯೇಸು ಕ್ರಿಸ್ತರನ್ನು ಎರಡನೇ ಆದಾಮ ಎಂದು ಕರೆಯಲಾಗಿದೆ. ಕೊನೆಗೆ ಇದು ಪರಮ ತ್ರಿತ್ವದಲ್ಲಿ ಕೊನೆಗೊಂಡಿದೆ.

ಆಗಸ್ಟ್ ೧೩ ರಂದು ಈ ಗೀತೆಯನ್ನು ಬಿಡುಗಡೆ ಮಾಡಲಾಗಿದ್ದು, ಇದನ್ನು ಸಿಂಗಫೋರ್ ಕಥೋಲಿಕ ಮಹಾಧರ್ಮಕ್ಷೇತ್ರದ ಅಧಿಕೃತ ಯೂಟ್ಯೂಬ್ ಚಾನೆಲ್'ನಲ್ಲಿ ನೋಡಬಹುದಾಗಿದೆ.