ವನೀಮೋ ನಗರದ ಜನತೆಗೆ ಪೋಪ್ ಫ್ರಾನ್ಸಿಸ್: ಸೌಂದರ್ಯದಲ್ಲಿ ನೀವು ನಿಪುಣರು

ವರದಿ: ಲಿಂಡಾ ಬೋರ್ಡೋನಿ, ಅಜಯ್ ಕುಮಾರ್

ಪೋಪ್ ಫ್ರಾನ್ಸಿಸ್ ಅವರು ಶನಿವಾರ ಮಧ್ಯಾಹ್ನ ಪಪುವಾ ನ್ಯೂಗಿನಿಯ ಹೃದಯ ಭಾಗದಿಂದ ಅತಿ ದೂರ ಇರುವ ವನೀಮೋ ನಗರಕ್ಕೆ ಭೇಟಿ ನೀಡಿದ್ದಾರೆ. ಇಲ್ಲಿನ ಶುಭಸಂದೇಶ ಪ್ರಸಾರಕ ಗುರುಗಳನ್ನು ಭೇಟಿ ಮಾಡಿದರು ಅವರು, ಈ ಧಾರ್ಮಿಕ ಗುರುಗಳ ಬದ್ಧತೆಯನ್ನು ಹಾಗೂ ಸೇವಾ ಮನೋಭಾವವನ್ನು ಶ್ಲಾಘಿಸಿದ್ದಾರೆ.

ಅನೇಕ ಕಡೆಗಳಲ್ಲಿ ಬೆಟ್ಟಗುಡ್ಡಗಳಿಂದ ಆವೃತ್ತವಾಗಿರುವ, ಕರಾವಳಿ ಪ್ರದೇಶದಿಂದ ಕೂಡಿರುವ ಹಾಗೂ ರಾಜಧಾನಿ ಪೋರ್ಟ್ ಮೊರ್ಸ್ಬಿ ನಗರದಿಂದ ದೂರ ಪ್ರದೇಶದಲ್ಲಿರುವ ನಗರಕ್ಕೆ ಪೋಪ್ ಫ್ರಾನ್ಸಿಸ್ ಅವರು ಭೇಟಿ ನೀಡಿದ್ದಾರೆ. ಇಲ್ಲಿ ಅನೇಕ ದಶಕಗಳಿಂದ ಶುಭಸಂದೇಶ ಪ್ರಸಾರಕರಾಗಿ ಕಾರ್ಯನಿರ್ವಹಿಸುತ್ತಿರುವ ಯೇಸುವಿನ ಪವಿತ್ರ ಹೃದಯ (ಎಂ ಎಸ್ ಸಿ) ಧಾರ್ಮಿಕ ಸಭೆಯ ಗುರುಗಳು ಹಾಗೂ ಕನ್ಯಾಸ್ತ್ರೀಯರನ್ನು ಅವರ ಸೇವೆ ಹಾಗೂ ಬಧ್ಧತೆಗಾಗಿ ಶ್ಲಾಘಿಸಿದ್ದಾರೆ.

ಇಲ್ಲಿನ ಜನತೆಯನ್ನು ಉದ್ದೇಶಿಸಿ ಮಾತನಾಡಿರುವ ಪೋಪ್ ಫ್ರಾನ್ಸಿಸ್ "ನೀವು ಸೌಂದರ್ಯದ ನಿಪುಣರಾಗಿದ್ದೀರಿ ಏಕೆಂದರೆ ಈ ನಿಮ್ಮ ನಗರದಲ್ಲಿ ಇರುವುದೆಂದರೆ ಏದೆನ್ ತೋಟದಲ್ಲಿ ಇದ್ದಂತೆ ಭಾಸವಾಗುತ್ತಿದೆ" ಎಂದು ಹೇಳಿದರು.

ಪೋಪ್ ಫ್ರಾನ್ಸಿಸ್ ಅವರ ಪ್ರೇಷಿತ ಭೇಟಿಯ ಸರಣಿಯಲ್ಲಿ ಪಪುವಾ ನ್ಯೂಗಿನಿ ಎರಡನೇ ದೇಶವಾಗಿದೆ. ಇದು ಅವರ ಪೋಪಾಧಿಕಾರದ ನಲವತ್ತೈದನೇಯ ಪ್ರೇಷಿತ ಪ್ರಯಾಣವಾಗಿದೆ.