ಹೊಂಡುರಾಸ್ ಪ್ರೇಷಿತ ರಾಯಭಾರ ಕಚೇರಿಯನ್ನು ಆಶೀರ್ವದಿಸಿದ ಆರ್ಚ್'ಬಿಷಪ್ ಪೆನಾ ಪರ್ರಾ

ವರದಿ: ಡೆಬೋರಾ ಕ್ಯಾಸ್ಟಲೀನೋ ಲುಬೋವ್, ಅಜಯ್ ಕುಮಾರ್

ಜುಲೈ 13 ರಂದು ವ್ಯಾಟಿಕನ್ನಿನ ಸಾಮಾನ್ಯ ಪ್ರಕ್ರಿಯೆಗಳ  ಉಸ್ತುವಾರಿಯನ್ನು ವಹಿಸಿಕೊಂಡಿರುವ ಆರ್ಚ್'ಬಿಷಪ್ ಎಡ್ಗರ್ ಪೆನಾ ಪರ್ರಾ ಅವರು ಹೊಂಡುರಾಸ್ ದೇಶದಲ್ಲಿ ಪ್ರೇಷಿತರಾಯಭಾರ ಕಛೇರಿಯನ್ನು ಇಂದು ಉದ್ಘಾಟಿಸಿ, ಆಶೀರ್ವದಿಸಿದ್ದಾರೆ.

ಇವರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ನಂತರ ಹೊಂಡುರಾಸ್ ದೇಶದ ಅಧ್ಯಕ್ಷರೊಂದಿಗೆ ಭೇಟಿ ಮಾಡಿ ಮಾತುಕತೆಯನ್ನು ನಡೆಸಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

ಇದೇ ದಿನ ಅವರು ಹೊಂಡುರಾಸ್ ದೇಶದ ಧರ್ಮಾಧ್ಯಕ್ಷರ ಮಂಡಳಿಯ ಸದಸ್ಯರ ಜೊತೆ ಮಾತುಕತೆಯನ್ನು ಸಹ ನಡೆಸಿದ್ದಾರೆ ಹಾಗೂ ಕ್ರೈಸ್ತ ಧರ್ಮಸಭೆಯನ್ನು ಕಾಡುತ್ತಿರುವ ಜ್ವಲಂತ ಸಮಸ್ಯೆಗಳ ಕುರಿತು ಅವರು ಚರ್ಚೆ ನಡೆಸಿದ್ದಾರೆ.