ಲಂಡನ್ ಹೈಕೋರ್ಟ್'ನಲ್ಲಿ ಆಸ್ತಿ ವ್ಯಾಜ್ಯದ ಕುರಿತು ಸಾಕ್ಷಿ ಹೇಳಲಿರುವ ವ್ಯಾಟಿಕನ್ ಅಧಿಕಾರಿ
ವರದಿ: ಸಾಲ್ವತೋರೆ ಸೆರ್ನೂಜಿಯೋ - ಲಂಡನ್, ಅಜಯ್ ಕುಮಾರ್
ವ್ಯಾಟಿಕನ್ ರಾಜ್ಯ ಹೆಚ್ಚುವರಿ ಕಾರ್ಯದರ್ಶಿಯಾಗಿರುವ ಆರ್ಚ್'ಬಿಷಪ್ ಎಡ್ಗರ್ ಪೆನಾ ಪರ್ರಾ ಅವರು ವ್ಯಾಟಿಕನ್ ನಗರವು ಚೆಲ್ಸಿಯಾ ನಗರದಲ್ಲಿ ಖರೀದಿಸಿರುವ ಆಸ್ತಿಯ ಕುರಿತಂತೆ ವ್ಯಾಜ್ಯದ ವಿಚಾರವೊಂದರಲ್ಲಿ ಲಂಡನ್ ಹೈ ಕೋರ್ಟಿನಲ್ಲಿ ಸಾಕ್ಷಿ ನುಡಿಯಲಿದ್ದಾರೆ ಎಂದು ವರದಿಯಾಗಿದೆ.
ಜೂನ್ ೨೪ ರಿಂದ ಈ ಕುರಿತು ವಿಚಾರಣೆಗಳು ನಡೆದು ಸೊಲೇನ್ ಅವೆನ್ಯೂ ಆಸ್ತಿಯ ಕುರಿತಂತೆ ಮೋಸ ಹಾಗೂ ವಂಚನೆ ಎಸಗಿದ ಎಂಟು ಜನರನ್ನು ವ್ಯಾಟಿಕನ್ ನ್ಯಾಯಾಲಯವು ಶಿಕ್ಷೆಗೆ ಒಳಪಡಿಸಿದೆ. ಸದರಿ ಆಸ್ತಿಯ ಕುರಿತಂತೆ ಲಂಡನ್ನಿನ ವ್ಯಕ್ತಿಯೊಬ್ಬರು ಸಿವಿಲ್ ದಾವೆಯನ್ನು ಹೂಡಿದ್ದರು. ಈ ಕುರಿತು ವ್ಯಾಟಿಕನ್ ನ್ಯಾಯಾಲಯವು ವಿಚಾರಣೆ ನಡೆಸಿ ಶಿಕ್ಷೆ ನೀಡಿದೆ ಮಾತ್ರವಲ್ಲದೆ, ಸ್ವಿಟ್ಝರ್'ಲ್ಯಾಂಡ್ ಸಂಸ್ಥೆಯೂ ಸಹ ತನ್ನ ಅಭಿಪ್ರಾಯವನ್ನು ವ್ಯಕ್ತಪಡಿಸಿದೆ.
ಪ್ರಸ್ತುತ ಈ ವಿಚಾರಗಳು ಲಂಡನ್ ನ್ಯಾಯಾಲಯದಲ್ಲಿ ವಿಚಾರಣೆಗೆ ಬಂದಿದ್ದು, ವ್ಯಾಟಿಕನ್ ಹೆಚ್ಚುವರಿ ರಾಜ್ಯ ಕಾರ್ಯದರ್ಶಿಯಾಗಿರುವ ಆರ್ಚ್'ಬಿಷಪ್ ಎಡ್ಗರ್ ಪೆನಾ ಪರ್ರಾ ಅವರು ಈ ನ್ಯಾಯಾಲಯಕ್ಕೆ ಹಾಜರಾಗಿ ಸಾಕ್ಷಿ ನುಡಿಯಲಿದ್ದಾರೆ.
