ವಿಶ್ವ ಅಜ್ಜ-ಅಜ್ಜಿಯರ ದಿನದಂದು ಭಾಗವಹಿಸುವವರಿಗೆ ಸಾಮಾನ್ಯ ಪಾಪ ಪರಿಹಾರ ಕ್ರಮ ಘೋಷಿಸಿದ ವ್ಯಾಟಿಕನ್

ವರದಿ: ವ್ಯಾಟಿಕನ್ ನ್ಯೂಸ್

ವ್ಯಾಟಿಕನ್ನಿನ ಪ್ರೇಷಿತ ಪಾಪ ಪರಿಹಾರ ಪೀಠವು (ಅಪೊಸ್ತೋಲಿಕ್ ಪೆನಿಟೆನ್ಷಿಯರಿ) ವಿಶ್ವ ಅಜ್ಜ ಅಜ್ಜಿಯರ ದಿನದಂದು ಭಾಗವಹಿಸುವ ಎಲ್ಲರಿಗೂ ಸಾಮಾನ್ಯ ಪಾಪ ಪರಿಹಾರ ಕ್ರಮ (ಪ್ಲೇನರಿ ಇಂಡಲ್ಜೆನ್ಸ್) ಅನ್ನು ಘೋಷಿಸಿದೆ.   

ಭಕ್ತಾಧಿಗಳಲ್ಲಿ ಈ ಕುರಿತು ಭಕ್ತಿ ಹಾಗೂ ಜಾಗೃತಿಯನ್ನು ಮೂಡಿಸಲು ವ್ಯಾಟಿಕನ್ನಿನ ಪಾಪ ಪರಿಹಾರ ಪೀಠವು ವಿಶ್ವ ಅಜ್ಜ-ಅಜ್ಜಿಯರು ಹಾಗೂ ಹಿರಿಯರ ದಿನಾಚರಣೆಯಂದು ಭಾಗವಹಿಸುವ ಎಲ್ಲಾ ಭಕ್ತಾಧಿಗಳಿಗೂ ಸಾಮಾನ್ಯ ಪಾಪ ಪರಿಹಾರ ಕ್ರಮ (ಪ್ಲೇನರಿ ಇಂಡಲ್ಜೆನ್ಸ್) ಅನ್ನು ಘೋಷಿಸಿದೆ.   

೨೦೨೧ ರಲ್ಲಿ ವಿಶ್ವಗುರು ಫ್ರಾನ್ಸಿಸ್ ಅವರು ಸಂತರುಗಳಾದ ಜೋಕಿಮ್ ಮತ್ತು ಅನ್ನಾ ಅವರ ಸ್ಮರಣಾರ್ಥ ವಿಶ್ವದಲ್ಲಿನ ಎಲ್ಲಾ ಅಜ್ಜ-ಅಜ್ಜಿಯರು ಹಾಗೂ ಹಿರಿಯರ ಕುರಿತು ಕಾಳಜಿಯನ್ನು ವ್ಯಕ್ತಪಡಿಸುವ ಸಲುವಾಗಿ ಈ ದಿನಾಚರಣೆಯನ್ನು ಸ್ಥಾಪಸಿದ್ದರು. ಈ ವರ್ಷಷಈ ದಿನಾಚರಣೆಯನ್ನು "ನನ್ನ ವೃದ್ಧಾಪ್ಯದಲ್ಲಿ ನನ್ನನ್ನು ತಳ್ಳಿಬಿಡಬೇಡ" ಎಂಬ ಶೀರ್ಷಿಕೆಯೊಂದಿಗೆ ಆಚರಿಸಲಾಗುತ್ತದೆ.