ಪೋಪ್ ಫ್ರಾನ್ಸಿಸ್ ಅವರನ್ನು ಭೇಟಿ ಮಾಡಿದ ಭಾರತದ ಸಿರೋಮಲಬಾರ್ ಧರ್ಮಾಧ್ಯಕ್ಷರುಗಳು
ವರದಿ: ವ್ಯಾಟಿಕನ್ ನ್ಯೂಸ್
ಪ್ರಸ್ತುತ ರೋಮ್ ನಗರದಲ್ಲಿ ನಡೆಯಿತ್ತಿರುವ ಸಿನೋಡ್ ಸಮಾವೇಷದಲ್ಲಿ ಭಾರತದಿಂದ ಸಿರೋಮಲಬಾರ್ ಧರ್ಮಾಧ್ಯಕ್ಷರುಗಳು ಭಾಗವಹಿಸಿದ್ದಾರೆ. ಸಿನೋಡ್ ಸಮಾವೇಶದ ವಿವಿಧ ಸಭೆಗಳಲ್ಲಿ ಸಕ್ರಿಯವಾಗಿ ಭಾಗವಹಿಸುವ ಇವರಿಗೆ ಇಂದು ಪೋಪ್ ಫ್ರಾನ್ಸಿಸ್ ಅವರನ್ನು ಭೇಟಿ ಮಾಡುವ ಸುಯೋಗ ಕೂಡಿಬಂದಿದ್ದು, ಪೋಪ್ ಫ್ರಾನ್ಸಿಸ್ ಅವರನ್ನು ಅನೌಪಚಾರಿಕವಾಗಿ ಭೇಟಿ ಮಾಡಿದ್ದಾರೆ.
ಪೋಪ್ ಫ್ರಾನ್ಸಿಸ್ ಅವರನ್ನು ಇಂದು ವ್ಯಾಟಿಕನ್ ನಗರದಲ್ಲಿ ಸಿನೋಡ್ ಸಮಾವೇಶದಲ್ಲಿ ಭೇಟಿ ಮಾಡಲಾಯಿತು ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಕೇರಳದ ಎರ್ನಾಕುಲಂ-ಅಂಗಮಾಲಿ ಮಹಾಧರ್ಮಕ್ಷೇತ್ರದ ಮೇಜರ್ ಆರ್ಚ್'ಬಿಷಪ್ ಆಗಿರುವ ಮಾರ್ ರಫಾಯಿಲ್ ಥಟ್ಟಿಲ್ ಅವರು ಬರೆದುಕೊಂಡಿದ್ದಾರೆ.
ಪೋಪ್ ಫ್ರಾನ್ಸಿಸ್ ಅವರನ್ನು ಭೇಟಿ ಮಾಡಿದ ಧರ್ಮಾಧ್ಯಕ್ಷರುಗಳ ಪೈಕಿ ಎರ್ನಾಕುಲಂ-ಅಂಗಮಾಲಿ ಮಹಾಧರ್ಮಕ್ಷೇತ್ರದ ಮೇಜರ್ ಆರ್ಚ್'ಬಿಷಪ್ ಆಗಿರುವ ಮಾರ್ ರಫಾಯಿಲ್ ಥಟ್ಟಿಲ್, ತ್ರಿಶೂರ್ ಮಹಾಧರ್ಮಕ್ಷೇತ್ರದ ಮಹಾಧರ್ಮಾಧ್ಯಕ್ಷರು ಹಾಗೂ ಭಾರತದ ಕಥೋಲಿಕ ಧರ್ಮಾಧ್ಯಕ್ಷರುಗಳ ಮಂಡಳಿ (ಸಿಬಿಸಿಐ) ಅಧ್ಯಕ್ಷರಾಗಿರುವ ಆರ್ಚ್'ಬಿಷಪ್ ಆ್ಯಂಡ್ರೂಸ್ ಥಳತ್, ನಿವೃತ್ತ ಮೇಜರ್ ಆರ್ಚ್'ಬಿಷಪ್ ಕಾರ್ಡಿನಲ್ ಜಾರ್ಜ್ ಅಲೆಂಚೆರಿ, ಕಣ್ಣೂರು ಧರ್ಮಕ್ಷೇತ್ರದ ಧರ್ಮಾಧ್ಯಕ್ಷ ಅಲೆಕ್ಸ್ ವಡಕುಂಥಲಾ ಅವರೂ ಸೇರಿದಂತೆ ವಿವಿಧ ಧರ್ಮಾಧ್ಯಕ್ಷರು ಹಾಗೂ ಗುರುಗಳು ಇದ್ದರು.
