ಶಾಲೆಯ ಮೇಲೆ ಇಸ್ರೇಲ್ ವಾಯುದಾಳಿ; ನೂರು ಜನರ ಹತ್ಯೆ

ವರದಿ: ನೇಥನ್ ಮೋರ್ಲೆ, ಅಜಯ್ ಕುಮಾರ್

ಗಾಜಾ ಪ್ರದೇಶದಲ್ಲಿನ ನಿರಾಶ್ರಿತರ ಶಿಬಿರದಂತೆ ಕಾರ್ಯನಿರ್ವಹಿಸುತ್ತಿದ್ದ ಶಾಲೆಯ ಮೇಲೆ ಇಸ್ರೇಲ್ ವಾಯುದಾಳಿಯನ್ನು ನಡೆಸಿದ ಪರಿಣಾಮ ಸುಮಾರು ನೂರು ಜನರು ಮೃತ ಹೊಂದಿದ್ದಾರೆ.

ಇಸ್ರೇಲಿ ವೈದ್ಯಕೀಯ ಮೂಲಗಳು ಹಾಗೂ ಇಲ್ಲಿನ ಸ್ಥಳೀಯ ಸುದ್ದಿ ಏಜೆನ್ಸಿ "ವಾಫಾ" ಈ ದಾಳಿಯಲ್ಲಿ ನೂರಕ್ಕೂ ಅಧಿಕ ಪ್ಯಾಲೆಸ್ತೇನಿಯರು ಮೃತ ಹೊಂದಿದ್ದಾರೆ ಎಂಬುದನ್ನು ಖಚಿತಪಡಿಸಿವೆ.

ನಿರಾಶ್ರಿತರ ಶಿಬಿರವನ್ನಾಗಿ ಮಾರ್ಪಡಿಸಿದ್ದ ಈ ಶಾಲೆಯಲ್ಲಿ ಎಲ್ಲರೂ ಪ್ರಾರ್ಥನೆಯನ್ನು ಸಲ್ಲಿಸುತ್ತಿದ್ದ ಸಂಧರ್ಭದಲ್ಲಿ ಬಾಂಬ್ ಅಪ್ಪಳಿಸಿದ ಪರಿಣಾಮ ನೂರಾರು ಜನರು ಹತ್ಯೆಯಾಗಿದ್ದಾರೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

ಆದರೆ ಇಸ್ರೇಲಿ ಸೇನೆಯ ಪ್ರಕಾರ "ಈ ಶಾಲೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಹಮಾಸ್ ಉಗ್ರರ ಮೇಲೆ ಖಚಿತ ದಾಳಿ ನಡೆಸಲಾಗಿದೆ" ಎಂಬುದಾಗಿದೆ.