ಕಾರ್ಡಿನಲ್ ಮ್ಯಾಲಕ್ಂ ರಂಜಿತ್ ಅವರನ್ನು ಭೇಟಿ ಮಾಡಿದ ಶ್ರೀಲಂಕಾದ ನೂತನ ಅಧ್ಯಕ್ಷ

ವರದಿ: ವ್ಯಾಟಿಕನ್ ನ್ಯೂಸ್

ಶ್ರೀಲಂಕಾದ ನೂತನ ಅಧ್ಯಕ್ಷ ಅನುರಾ ಕುಮಾರ ದಿಸ್ಸಾನಾಯಕೆ ಅವರು ಕೊಲಂಬೋ ಮಹಾಧರ್ಮಕ್ಷೇತ್ರದ ಮಹಾಧರ್ಮಾಧ್ಯಕ್ಷ ಕಾರ್ಡಿನಲ್ ಮ್ಯಾಲ್ಕಂ ರಂಜಿತ್ ಅವರನ್ನು ಭೇಟಿ ಮಾಡಿದ್ದಾರೆ. ಕಾರ್ಡಿನಲ್ ಮ್ಯಾಲ್ಕಂ ರಂಜಿತ್ ಅವರು ಇವರಿಗೆ ಸ್ವಾಗತವನ್ನು ಕೋರಿ ಶುಭಾಶಯಗಳನ್ನು ತಿಳಿಸಿದ್ದಾರೆ.

ಇತ್ತೀಚಗಷ್ಟೇ ಶ್ರೀಲಂಕಾದಲ್ಲಿ ಚುನಾವಣೆಗಳು ನಡೆಯಿತು. ಅದಕ್ಕೂ ಮುಂಚಿತವಾಗಿ ಶ್ರೀಲಂಕಾದ ಆರ್ಥಿಕ ಪರಿಸ್ಥಿತಿ ದುಸ್ಥಿತಿಯಾದ ನಂತರ, ಜನರು ರೊಚ್ಚಿಗೆದ್ದು ಅಂದಿನ ಪ್ರಧಾನಿ ರಾಜಪಕ್ಸಾ ಅವರು ಪಲಾಯನ ಮಾಡಿದ್ದರು. ಇದೀಗ ಎಡ ಪಂಥೀಯ ಸರ್ಕಾರವು ಆಯ್ಕೆಯಾಗಿದ್ದು, ಅಧ್ಯಕ್ಷರಾಗಿ ಅನುರಾ ಕುಮಾರ ದಿಸ್ಸಾನಾಯಕೆ ಅವರು ಚುನಾಯಿತರಾಗಿದ್ದಾರೆ.

ಚುನಾಯಿತರಾದ ನಂತರ ಅವರು ಕೊಲಂಬೋದಲ್ಲಿನ ಕಾರ್ಡಿನಲ್ ರಂಜಿತ್ ಅವರ ನಿವಾಸಕ್ಕೆ ಭೇಟಿ ನೀಡಿ, ಅವರನ್ನು ಭೇಟಿ ಮಾಡಿ, ಉಭಯ-ಕುಶಲೋಪರಿಯನ್ನು ನಡೆಸಿ, ಕಾರ್ಡಿನಲ್ ರಂಜಿತ್ ಅವರ ಆಶೀರ್ವಾದವನ್ನು ಪಡೆದಿದ್ದಾರೆ. ಇದೇ ವೇಳೆ ಕಾರ್ಡಿನಲ್ ರಂಜಿತ್ ಅವರು ಇದಕ್ಕೆ ಸಕಾರಾತ್ಮಕವಾಗಿ ಸ್ಪಂದಿಸಿ, ಅವರಿಗೆ ಶುಭಾಶಯಗಳನ್ನು ಹಾಗೂ ತಮ್ಮ ಸಹಕಾರವನ್ನು ತಿಳಿಸಿದರು. ಇದೇ ವೇಳೆ ಕಾರ್ಡಿನಲ್ ಅವರು ಬಡವರ ಕುರಿತು ಹೆಚ್ಚು ಕಾಳಜಿ ವಹಿಸುವಂತೆ ನೂತನ ಅಧ್ಯಕ್ಷರಿಗೆ ಕಿವಿಮಾತನ್ನು ಹೇಳಿದರು.