ದಕ್ಷಿಣ ಕೊರಿಯಾದೊಂದಿಗೆ ಎಲ್ಲಾ ರೀತಿಯ ಸಂವಹನ ಕಡಿತಗೊಳಿಸಿದ ಉತ್ತರ ಕೊರಿಯಾ: ಸಿಯೋಲ್ ಆರ್ಚ್'ಬಿಷಪ್ ಕಳವಳ
ವರದಿ: ಲಿಕಾಸ್ ನ್ಯೂಸ್
ಉತ್ತರ ಕೊರಿಯಾ ದೇಶವು ದಕ್ಷಿಣಾ ಕೊರಿಯಾ ದೇಶದೊಂದಿದೆ ಎಲ್ಲಾ ರೀತಿಯ ಸಂವಹನವನ್ನು ಸೋಮವಾರ ಕಡಿತಗೊಂಡಿದೆ. ಈ ಕುರಿತು ಕಳವಳ ವ್ಯಕ್ತಪಡಿಸಿರುವ ದಕ್ಷಿಣ ಕೊರಿಯಾ ದೇಶದ ಸಿಯೋಲ್ ಮಹಾಧರ್ಮಕ್ಷೇತ್ರದ ಮಹಾಧರ್ಮಾಧ್ಯಕ್ಷ ಪೀಟರ್ ಸೈನ್-ಟೂಕ್ ಚೂಂಗ್ ಅವರು ಉತ್ತರ ಹಾಗೂ ದಕ್ಷಿಣ ಕೊರಿಯಾ ದೇಶಗಳು ಮತ್ತೆ ಏಕೀಕರಣವಾಗುವ ಯಾವ ಲಕ್ಷಣಗಳೂ ಕಾಣುತ್ತಿಲ್ಲ ಎಂದು ಹೇಳಿದ್ದಾರೆ.
ಇತ್ತೀಚೆಗಷ್ಟೇ ಉತ್ತರ ಕೊರಿಯಾ ಮಿಲಿಟರಿಯು ಉತ್ತರ ಕೊರಿಯಾ ದೇಶವನ್ನು ಶಾಶ್ವತವಾಗಿ ಪ್ರತ್ಯೇಕ ದೇಶವನ್ನು ಮಾಡುವ ಉದ್ದೇಶದಿಂದ ದಕ್ಷಿಣ ಕೊರಿಯ ದೇಶದಿಂದ ಬೇರ್ಪಡುವ ಸಲುವಾಗಿ ದಕ್ಷಿಣಾ ಕೊರಿಯಾಕ್ಕೆ ರಸ್ತೆ, ರೈಲು ಸೇರಿದಂತೆ ಎಲ್ಲಾ ರೀತಿಯ ಸಂಪರ್ಕವನ್ನು ಕಡಿತಗೊಳಿಸಿದೆ ಎಂದು ವರದಿಯಾಗಿದೆ.
ಈ ಕುರಿತು ಮಾತನಾಡಿರುವ ಸಿಯೋಲ್ ಮಹಾಧರ್ಮಕ್ಷೇತ್ರದ ಮಹಾಧರ್ಮಾಧ್ಯಕ್ಷ ಪೀಟರ್ ಸೈನ್-ಟೂಕ್ ಚೂಂಗ್ ಅವರು ಈ ದೇಶದ ಯುವ ಜನರು ಈ ಎರಡೂ ದೇಶಗಳು ಮತ್ತೆ ಒಂದಾಗುವ ಕನಸನ್ನು ಕಂಡಿದ್ದರು. ಇದೀಗ ಆ ಕನಸೂ ಸಹ ಕಮರಿದೆ. ಇದರಿಂದಾಗಿ, ಸೋದರತ್ವದ ಭಾವವೂ ಸಹ ಕುಸಿದಂತಾಗಿದೆ ಎಂದು ಹೇಳಿದ್ದಾರೆ.
ಉತ್ತರ ಕೊರಿಯಾದ ಈ ನಿರ್ಧಾರವು ಆ ದೇಶದ ಜನರ ಮೇಲಿನ ಹೆಚ್ಚಿನ ಪರಿಣಾಮವನ್ನು ಬೀರಲಿದೆ ಎಂದು ಅಂತರಷ್ಟ್ರೀಯ ಸಂಪರ್ಕಗಳ ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.
