ಸುಡಾನ್ ಯುದ್ಧ: ತೀವ್ರವಾದ ದಾಳಿಯಲ್ಲಿ ನೂರಾರು ನಾಗರಿಕರು ಸಾಯುತ್ತಿದ್ದಾರೆ
ಲಿಂಡಾ ಬೋರ್ಡೋನಿರವರಿಂದ
ಎಂಟಕ್ಕಿಂತಲೂ ಹೆಚ್ಚು ಬ್ಯಾರೆಲ್ ಬಾಂಬ್‌ಗಳು ಕಬ್ಕಬಿಯಾದ ಉತ್ತರ ಡಾರ್ಫುರ್ ಪಟ್ಟಣದ ಮಾರುಕಟ್ಟೆಗೆ ಅಪ್ಪಳಿಸಿ, 100ಕ್ಕೂ ಹೆಚ್ಚು ನಾಗರಿಕರು ಸಾವನ್ನಪ್ಪಿದರು ಮತ್ತು ಅನೇಕರು ಗಾಯಗೊಂಡರು.
ವಾರದ ಮಾರುಕಟ್ಟೆಯಲ್ಲಿ ಸೋಮವಾರ ನಡೆದ ಹತ್ಯಾಕಾಂಡವು, ಅಂತರಾಷ್ಟ್ರೀಯ ಕಾನೂನನ್ನು ಸ್ಪಷ್ಟವಾಗಿ ಉಲ್ಲಂಘಿಸಿದೆ.
ಕದನ ವಿರಾಮ ಪ್ರಯತ್ನಗಳು ಸ್ಥಗಿತಗೊಂಡಿರುವುದರಿಂದ ಸೇನೆ ಮತ್ತು ಆರ್‌ಎಸ್‌ಎಫ್ ನಡುವಿನ 20 ತಿಂಗಳ ಯುದ್ಧವು ಹೆಚ್ಚು ರಕ್ತಮಯವಾಗುತ್ತಿರುವುದರಿಂದ ಸೋಮವಾರ ಮತ್ತು ಮಂಗಳವಾರ ಸುಡಾನಿನಲ್ಲಿ ಕನಿಷ್ಠ 127 ಜನರು ಸಾವನ್ನಪ್ಪಿದ್ದಾರೆ ಮತ್ತು ಬೇರೆಡೆಗಿನ ವಿಷಮಸ್ಥಿತಿಯು ವಿಶ್ವದ ಗಮನವನ್ನು ಸೆಳೆದಿವೆ.
ಆರ್‌ಎಸ್‌ಎಫ್ ನಿಯಂತ್ರಿಸುವ ದೇಶದ ಅರ್ಧಭಾಗದಲ್ಲಿ ಸೇನೆಯು ವೈಮಾನಿಕ ದಾಳಿಯನ್ನು ಹೆಚ್ಚಿಸಿದೆ, ಆದರೆ ಆರ್‌ಎಸ್‌ಎಫ್ ಹಳ್ಳಿಗಳ ಮೇಲೆ ದಾಳಿಗಳನ್ನು ಮತ್ತು ತೀವ್ರವಾದ ಫಿರಂಗಿ ದಾಳಿಗಳನ್ನು ನಡೆಸಿದೆ. ಇವೆರಡೂ ಜನನಿಬಿಡ ನಾಗರಿಕ ಪ್ರದೇಶಗಳನ್ನು ಗುರಿಯಾಗಿಸಿಕೊಂಡಿವೆ.
ಸೇನೆಯು ಉತ್ತರ ಡಾರ್ಫೂರ್‌ನಲ್ಲಿನ ಪಟ್ಟಣಗಳನ್ನು ವಾಯುದಾಳಿಗಳೊಂದಿಗೆ ಆಗಾಗ್ಗೆ ಗುರಿಯಾಗಿಸಿಕೊಂಡಿದೆ, ಏಕೆಂದರೆ ಅದು ರಾಜ್ಯದ ರಾಜಧಾನಿ, ಅಲ್-ಫಶಿರ್‌ನ ನಿಯಂತ್ರಣಕ್ಕಾಗಿ ಆರ್‌ಎಸ್‌ಎಫ್‌ನೊಂದಿಗೆ ಹೋರಾಡುತ್ತಿದೆ, ಅಂತರಾಷ್ಟ್ರೀಯ ವೀಕ್ಷಕರು ಮತ್ತು ದತ್ತಿಗಳು ಡಾರ್ಫೂರ್ನಲ್ಲಿ ಜನಾಂಗೀಯ ಶುದ್ಧೀಕರಣ ಮತ್ತು ವ್ಯಾಪಕವಾದ ಯುದ್ಧಾಪರಾಧಗಳನ್ನು ಖಂಡಿಸಿವೆ, ಅಂತರಾಷ್ಟ್ರೀಯ ಸಮುದಾಯದ ಕಿವುಡಗೊಳಿಸುವ ಮೌನದ ನಡುವೆ ಮತ್ತೊಂದು ನರಮೇಧವು ನಡೆಯಬಹುದೆಂದು ಎಚ್ಚರಿಸಿದೆ.
ಕಬ್ಕಬಿಯಾ ಮೇಲಿನ ದಾಳಿಯ ಹೊಣೆಗಾರಿಕೆಯನ್ನು ಸುಡಾನಿನ ಮಿಲಿಟರಿ ಪಡೆಗಳು ನಿರಾಕರಿಸಿವೆ, ಮಿಲಿಟರಿ ಉದ್ದೇಶಗಳಿಗಾಗಿ RSF ಬಳಸುವ ಯಾವುದೇ ಸ್ಥಳವನ್ನು ಗುರಿಯಾಗಿಸುವ ಹಕ್ಕನ್ನು ಅದು ಹೊಂದಿದೆ ಎಂದು ಒತ್ತಾಯಿಸಿದೆ. ಅಭಿಪ್ರಾಯದ ವಿನಂತಿಗೆ ಆರ್‌ಎಸ್‌ಎಫ್ ತಕ್ಷಣ ಪ್ರತಿಕ್ರಿಯಿಸಲಿಲ್ಲ.
ಇತ್ತೀಚಿನ ವರದಿಗಳು, ಘರ್ಷಣೆಯಲ್ಲಿ 60,000 ಜನರು ಕೊಲ್ಲಲ್ಪಟ್ಟರು, ಆದರೆ 30 ಮಿಲಿಯನ್‌ಗಿಂತಲೂ ಹೆಚ್ಚು ಜನರಿಗೆ ಸಹಾಯದ ಅಗತ್ಯವಿದೆ, ಕೆಲವು ಪ್ರದೇಶಗಳಲ್ಲಿ ಕ್ಷಾಮ ಘೋಷಿಸಲಾಗಿದೆ ಮತ್ತು 12 ಮಿಲಿಯನ್ ಜನರು ತಮ್ಮ ಮನೆಗಳನ್ನು ತೊರೆದಿದ್ದಾರೆ ಎಂದು ಹೇಳುತ್ತಿವೆ.
