ನರಮೇಧವನ್ನು ತಡೆಗಟ್ಟುವ ಅತಿ ಸುದೀರ್ಘವಾದ ಮಾರ್ಗ

ಫ್ರಾನ್ಸೆಸ್ಕಾ ಮೆರ್ಲೊ ರವರಿಂದ

9 ಡಿಸೆಂಬರ್ 1948 ರಂದು, ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯು ಜನಾಂಗೀಯ ಹತ್ಯೆಯ ಅಪರಾಧದ ತಡೆಗಟ್ಟುವಿಕೆ ಮತ್ತು ಶಿಕ್ಷೆಯ ಸಮಾವೇಶವನ್ನು ಸರ್ವಾನುಮತದಿಂದ ಅಂಗೀಕರಿಸಿತು (CPPCG), ಇದು ನರಮೇಧದ ಅಪರಾಧವನ್ನು ಮತ್ತು ಮಾನವ ಹಕ್ಕುಗಳ ಹೆಗ್ಗುರುತುವಿನ ಸಾಧನವಾಗಿ ಕ್ರೋಡೀಕರಿಸುವ ಮೊದಲ ಒಪ್ಪಂದವಾಗಿದೆ.

76 ವರ್ಷಗಳ ನಂತರ, ನಾವು ಜನಾಂಗೀಯ ಹತ್ಯೆಯ ಅಪರಾಧ ಮತ್ತು ಈ ಅಪರಾಧದ ತಡೆಗಟ್ಟುವಿಕೆಯ ಸಂತ್ರಸ್ತರ ಸ್ಮರಣಾರ್ಥನೆಯ ದಿನ ಮತ್ತು ಅಂತರರಾಷ್ಟ್ರೀಯ ಘನತೆಯ ದಿನವನ್ನು ಆಚರಿಸುತ್ತಿರುವಾಗ, ರಾಜ್ಯಗಳು ಮತ್ತು ಅವರ ನಾಯಕರ ಮೇಲೆ ಇನ್ನೂ, ನರಮೇಧದ ಆರೋಪ ಮಾಡಲಾಗುತ್ತಿದೆ, ಜನರು ಇದನ್ನು ತಮ್ಮ ಜನಾಂಗೀಯತೆ, ರಾಷ್ಟ್ರೀಯತೆ, ಧರ್ಮ ಅಥವಾ ಜನಾಂಗದ ಕಾರಣದಿಂದ, ಗುಂಪಿನ ಉದ್ದೇಶಪೂರ್ವಕ ಮತ್ತು ವ್ಯವಸ್ಥಿತ ವಿನಾಶ ಎಂದು ವಿವರಿಸಲಾಗಿದೆ.

ದುರದೃಷ್ಟವಶಾತ್, ವಿಶ್ವಸಂಸ್ಥೆಯ ಸಮಾವೇಶವು ಅಂತಹ ಕೃತ್ಯಗಳನ್ನು ಮತ್ತು ತಪ್ಪಿತಸ್ಥರನ್ನು ಗುರುತಿಸಲು ಸಹಾಯ ಮಾಡಿದರೂ, ಅದನ್ನು ಸಂಪೂರ್ಣವಾಗಿ ತಡೆಯಲು ಸಾಧ್ಯವಾಗಲಿಲ್ಲ. ವಾಸ್ತವವಾಗಿ, 1948 ರಿಂದ, ಪ್ರಪಂಚದಾದ್ಯಂತ ವಿವಿಧ ಪ್ರದೇಶದ ಜನಸಂಖ್ಯೆಯು ನರಮೇಧವನ್ನು ಎದುರಿಸುತ್ತಿದೆ.

ಮೇ 2024 ರಲ್ಲಿ, ನರಮೇಧದ ತಡೆಗಟ್ಟುವಿಕೆಯ ಪ್ರಧಾನ – ಕಾರ್ಯದರ್ಶಿ, ವಿಶೇಷ ಸಲಹೆಗಾರ ಆಲಿಸ್ ವೈರಿಮು ನಡೆರಿಟು ರವರು ಸುಡಾನ್‌ನಲ್ಲಿನ ಪರಿಸ್ಥಿತಿಯ ಬಗ್ಗೆ "ಎಚ್ಚರಿಕೆಯನ್ನು" ಎತ್ತಿ ತೋರಿಸಿದರು, ಸಮಿತಿಗೆ "ಜನಾಂಗೀಯ ಹತ್ಯೆಯ ಅಪಾಯದ ಎಲ್ಲಾ ಸೂಚನೆಗಳು ಪ್ರಬಲವಾಗಿದೆ" ಎಂದು ಹೇಳಿದರು. ಈ ಅಪರಾಧಗಳನ್ನು ಈಗಾಗಲೇ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ ಎಂಬುದನ್ನು ನೇದೃತ್‌ರವರು ಹೇಳಿದರು, "ನಾಗರಿಕರು ರಕ್ಷಣೆಯಿಂದ ದೂರವಿದ್ದಾರೆ. ನಾಗರಿಕ ಜನಸಂಖ್ಯೆಯನ್ನು ಗುರುತಿನ ಆಧಾರದ ಮೇಲೆ ಅವರ ಧಾಳಿಯನ್ನು ಗುರಿಪಡಿಸಲಾಗಿದೆ. ಡಾರ್ಫುರ್ ಮತ್ತು ಎಲ್ ಫಾಶರ್‌ನಲ್ಲಿ, ನಾಗರಿಕರ ಚರ್ಮದ ಬಣ್ಣದಿಂದಾಗಿ, ಅವರ ಜನಾಂಗೀಯತೆಯಿಂದಾಗಿ, ಅವರು ಯಾರೆಂಬ ಕಾರಣಕ್ಕಾಗಿ ದಾಳಿಮಾಡಿ, ಅವರನ್ನು ಕೊಂದಿದ್ದಾರೆ.

ಗಾಜಾದಲ್ಲಿ ಇಸ್ರಯೇಲಿನ ಆಕ್ರಮಣವು ಮುಂದುವರಿದಂತೆ, ಅಮ್ನೆಸ್ಟಿ ಇಂಟರ್‌ನ್ಯಾಶನಲ್ ಸೇರಿದಂತೆ ಹಲವಾರು ಹಕ್ಕುಗಳ ಗುಂಪುಗಳು ಪ್ಯಾಲೇಸ್ತೀನಿನ ಜನರ ನರಮೇಧದ ಮೇಲೆ ಇಸ್ರಯೇಲ್ ನಡೆಸುತ್ತಿರುವ ಕೃತ್ಯಗಳು ಎಂದು ಆರೋಪಿಸಿದ್ದಾರೆ, ಆದರೆ ಇಸ್ರಯೇಲ್ ಈ ಎಲ್ಲಾ ಆರೋಪಗಳನ್ನು ನಿರಾಕರಿಸುತ್ತದೆ, ಇದು "ಸಂಪೂರ್ಣ ಸುಳ್ಳು ಮತ್ತು ಸುಳ್ಳಿನ ಮೇಲೆ" ಆಧಾರಿತ ವರದಿಯಾಗಿದೆ" ಎಂದು ವಿವರಿಸುತ್ತದೆ.

ವಿಶ್ವಸಂಸ್ಥೆ ಮತ್ತು ಇತರ ಹಕ್ಕುಗಳ ಗುಂಪುಗಳ ಪ್ರಕಾರ, ಪ್ರಪಂಚದ ಈ ಎರಡೂ ಭಾಗಗಳಲ್ಲಿ ಸಂಭವಿಸುವ ಹಿಂಸಾಚಾರವನ್ನು ಜನಾಂಗೀಯ ಶುದ್ಧೀಕರಣ ಮತ್ತು ಉದ್ದೇಶಿತ ಹಿಂಸೆ ಎಂದು ವ್ಯಾಖ್ಯಾನಿಸಬಹುದು - ಪ್ರಪಂಚದಾದ್ಯಂತ ಹಿಂದಿನ ನರಮೇಧಗಳನ್ನು ಪ್ರತಿಬಿಂಬಿಸುವ ಆರೋಪಗಳು. ರುವಾಂಡನ್ ನರಮೇಧದಂತಹ ಹಿಂಸಾಚಾರವು ಇತ್ತೀಚಿನದು ಅಥವಾ ಅರ್ಮೇನಿಯನ್ನಲ್ಲಿ ನರಮೇಧದಂತಹ ಕಡಿಮೆಯಾದರೂ, ಹಿಂಸಾಚಾರ, ಅಯೋಗ್ಯವರ್ತನೆಯು ಮತ್ತು ಅಂತರಾಷ್ಟ್ರೀಯ ಸಮುದಾಯದ ನಿರ್ಲಕ್ಷ್ಯದ ಗುರುತುಗಳು ಇನ್ನೂ ಅನುಭವಿಸಿದಂತಿದೆ.

ಅರ್ಮೇನಿಯಾ, 1915-1923
"20 ನೇ ಶತಮಾನದ ಮೊದಲ ನರಮೇಧ ಅರ್ಮೇನಿಯನ್ನರದ್ದು." ಈ ಹೇಳಿಕೆಯೊಂದಿಗೆ, ಮತ್ತು 1915 ಮತ್ತು 1923 ರ ನಡುವೆ ಒಟ್ಟೋಮನ್ ಸಾಮ್ರಾಜ್ಯವು ಮಾಡಿದ ದೌರ್ಜನ್ಯವನ್ನು ಗುರುತಿಸಿ, ಏಪ್ರಿಲ್ 12, 2015 ರಂದು, ವಿಶ್ವಗುರು ಫ್ರಾನ್ಸಿಸ್ ರವರು ರೋಮ್‌ನ ಸಂತ ಪೇತ್ರರ ಮಹಾದೇವಾಲಯದಲ್ಲಿ ವಿಶೇಷ ದೈವಾರಾಧನೆಯ ವಿಧಿಯ ಮೂಲಕ ಅರ್ಮೇನಿಯನ್ ಜನಾಂಗೀಯ ಹತ್ಯೆಯ ಶತಮಾನೋತ್ಸವವನ್ನು ಸ್ಮರಿಸಿದರು.

ರುವಾಂಡಾ, 1994
ತೀರಾ ಇತ್ತೀಚೆಗೆ, ಕೇವಲ 30 ವರ್ಷಗಳ ಹಿಂದೆ, 1994 ರಲ್ಲಿ, ರುವಾಂಡಾದಲ್ಲಿ ಉಗ್ರಗಾಮಿ ಹುಟು ಮಿಲಿಷಿಯಾಗಳು 800,000 ಟುಟ್ಸಿಗಳು ಮತ್ತು ಮಧ್ಯಮ ಹುಟುಗಳನ್ನು ಹಿಂಸಾಚಾರದಲ್ಲಿ ರುವಾಂಡಾ ನರಮೇಧ ಎಂದು ಗುರುತಿಸಿದರು. ಅಧ್ಯಕ್ಷ ಜುವೆನಾಲ್ ಹಬ್ಯಾರಿಮಾನಾ ರವರ ಹತ್ಯೆಯಿಂದ ನರಮೇಧವನ್ನು ಪ್ರಚೋದಿಸಲಾಯಿತು ಮತ್ತು ಟುಟ್ಸಿ ಅಲ್ಪಸಂಖ್ಯಾತರನ್ನು ಮತ್ತು ಅವರ ಸಿದ್ಧಾಂತಕ್ಕೆ ವಿರುದ್ಧವಾಗಿ ಕಾಣುವ ಎಲ್ಲರನ್ನೂ ತೊಡೆದುಹಾಕಲು ಸರ್ಕಾರ ಮತ್ತು ಮಿಲಿಟರಿ ಸದಸ್ಯರು ಸೇರಿದಂತೆ ಜನರ ಮೇಲೆ ನರಮೇಧ ನಡೆಸಲಾಯಿತು. 100 ದಿನಗಳ ಕಾಲ ನಡೆದ ನರಮೇಧವು ಸಾಮೂಹಿಕ ಮರಣದಂಡನೆ, ಲೈಂಗಿಕ ಹಿಂಸೆ ಮತ್ತು ಸಂಪೂರ್ಣ ಸಮುದಾಯಗಳ ನಾಶದಂತಹ ದೌರ್ಜನ್ಯಗಳನ್ನು ಒಳಗೊಂಡಿತ್ತು.

ವಿಶ್ವಗುರು ದ್ವಿತೀಯ ಜಾನ್ ಪಾಲ್ ರವರು ರವಾಂಡ ನರಮೇಧ ಮತ್ತು ಬೋಸ್ನಿಯನ್ ಯುದ್ಧದ ಸಮಯದಲ್ಲಿ ವಿಶ್ವಗುರುವಾ ಗಿದ್ದರು. ಅವರು ರುವಾಂಡಾದಲ್ಲಿನ ಘಟನೆಗಳನ್ನು "ದುರಂತದ ನರಮೇಧ" ಎಂದು ವಿವರಿಸಿದರು ಮತ್ತು ರುವಾಂಡಾದ ಜನರ ನೋವಿಗೆ, ತಮ್ಮ ಆಳವಾದ ದುಃಖವನ್ನು ವ್ಯಕ್ತಪಡಿಸಿದರು.

ವೈಫಲ್ಯತೆಯನ್ನು ಗುರುತಿಸುವಿಕೆ ಮತ್ತು ಪರಿಹರಿಸಲು ತೆಗೆದುಕೊಂಡ ಕ್ರಮಗಳು
1994 ರಲ್ಲಿ ರುವಾಂಡ ನರಮೇಧದ ನಂತರ, ಅಂತರಾಷ್ಟ್ರೀಯ ಸಮುದಾಯವು ಬಿಕ್ಕಟ್ಟಿಗೆ ಪ್ರತಿಕ್ರಿಯಿಸುವಲ್ಲಿ ವಿಫಲತೆಗಳನ್ನು ಗುರುತಿಸಿತು, ಇದು ವಿಶ್ವಸಂಸ್ಥೆಯು ಶಾಂತಿಪಾಲನಾ ಕಾರ್ಯಾಚರಣೆಗಳಲ್ಲಿ ಗಮನಾರ್ಹ ಸುಧಾರಣೆಗಳಿಗೆ ಮತ್ತು "ರಕ್ಷಿಸುವ ಜವಾಬ್ದಾರಿ" (R2P) ಸಿದ್ಧಾಂತದ ಅಭಿವೃದ್ಧಿಗೆ ಕಾರಣವಾಯಿತು. ಜನಸಂಖ್ಯೆಯು ಸಾಮೂಹಿಕ ದೌರ್ಜನ್ಯಗಳ ಅಪಾಯದಲ್ಲಿರುವ ಸಂದರ್ಭಗಳಲ್ಲಿ ತಡೆಗಟ್ಟುವ ಮತ್ತು ಮಧ್ಯಪ್ರವೇಶಿಸುವ ಜವಾಬ್ದಾರಿಯನ್ನು ಅಂತರರಾಷ್ಟ್ರೀಯ ಸಮುದಾಯ ಹೊಂದಿದೆ ಎಂದು ಸಿದ್ಧಾಂತವು ಒತ್ತಿಹೇಳುತ್ತದೆ.

ಆದಾಗ್ಯೂ, ಸಂಘರ್ಷಗಳನ್ನು ಅಂತ್ಯಗೊಳಿಸಲು ಮಧ್ಯಪ್ರವೇಶಿಸುವ ಮತ್ತು ಕೆಲಸ ಮಾಡುವಲ್ಲಿ ಅಂತರರಾಷ್ಟ್ರೀಯ ಸಮುದಾಯದ ಯಶಸ್ಸಿನ ಮೇಲೆ ಕೇಂದ್ರೀಕರಿಸುವುದು ಮುಖ್ಯವಾಗಿದೆ. ಹಿಂದೆ ಉಲ್ಲೇಖಿಸಲಾದ ಬೋಸ್ನಿಯನ್ ಯುದ್ಧದ (1992-1995) ಸಂದರ್ಭದಲ್ಲಿ, ಅಂತರರಾಷ್ಟ್ರೀಯ ಹಸ್ತಕ್ಷೇಪ, ವಿಶೇಷವಾಗಿ ನ್ಯಾಟೋ ಪಡೆಗಳು, ಸ್ರೆಬ್ರೆನಿಕಾ ಹತ್ಯಾಕಾಂಡದ ನಂತರ ಹಿಂಸಾಚಾರವನ್ನು ಕೊನೆಗೊಳಿಸಲು ಸಹಾಯ ಮಾಡಿತು. ಅಂತರರಾಷ್ಟ್ರೀಯ ಸಮುದಾಯವು ಆರಂಭದಲ್ಲಿ ಕಾರ್ಯನಿರ್ವಹಿಸಲು ನಿಧಾನವಾಗಿದ್ದರೂ, ನಂತರದ ಮಿಲಿಟರಿ ಹಸ್ತಕ್ಷೇಪವು ಪಕ್ಷಗಳನ್ನು ಸಮಾಲೋಚನಾ ಕೋಷ್ಟಕಕ್ಕೆ ಒತ್ತಾಯಿಸುವಲ್ಲಿ ಮತ್ತು ರಕ್ತಪಾತವನ್ನು ಕೊನೆಗೊಳಿಸುವಲ್ಲಿ ನಿರ್ಣಾಯಕ ಪಾತ್ರವನ್ನು ವಹಿಸಿತು.

ಭರವಸೆ
ಇಂದು ನಮ್ಮ ಜಗತ್ತನ್ನು ಪೀಡಿಸುತ್ತಿರುವ ಹಿಂಸಾಚಾರ ಮತ್ತು ದುಃಖದ ಪ್ರಮಾಣವನ್ನು ಗುರುತಿಸುವುದು ಅಸಾಧ್ಯ, ಹಾಗೆಯೇ ಸುಡಾನ್ ಸೇರಿದಂತೆ ಕೆಲವು ಪ್ರದೇಶಗಳು ಪಾಶ್ಚಿಮಾತ್ಯ ಪ್ರಪಂಚದಿಂದ ಪಡೆಯುವ ಗಮನದ ಕೊರತೆ. ಆದಾಗ್ಯೂ, ಸ್ಥಳದಲ್ಲಿನ ನಿರ್ಣಯಗಳು ಮತ್ತು ಮುಂದುವರಿದ ಮಾನವೀಯ ಪ್ರಯತ್ನಗಳೊಂದಿಗೆ, ಕೆಲವು ಪಾಠಗಳನ್ನು ಕಲಿತಿದ್ದಾರೆ. ವಿಶ್ವಾದ್ಯಂತ ನಡೆಯುತ್ತಿರುವ ದೌರ್ಜನ್ಯಗಳನ್ನು ಗುರುತಿಸಲು ಅಂತರರಾಷ್ಟ್ರೀಯ ಸಮುದಾಯವು ಒಗ್ಗೂಡಬಹುದು ಎಂಬ ಭರವಸೆಯನ್ನು ಅವರು ನಿರಾಕರಿಸುವುದಿಲ್ಲ - ಇವುಗಳನ್ನು ಅಧಿಕೃತವಾಗಿ ಮತ್ತು ಕಾನೂನುಬದ್ಧವಾಗಿ "ಜನಾಂಗೀಯ ಹತ್ಯೆ" ಎಂದು ವರ್ಗೀಕರಿಸಬಹುದೇ ಅಥವಾ ವರ್ಗೀಕರಿಸದಿರಬಹುದು. ವಿಶ್ವಗುರು ಫ್ರಾನ್ಸಿಸ್ ರವರು ಆಗಾಗ್ಗೆ ಪುನರಾವರ್ತಿಸಿದಂತೆ, “ಯುದ್ಧ ಎನ್ನುವುದು ಯಾವಾಗಲೂ ಸೋಲು, ಎಂದೆಂದಿಗೂ ಸೋಲು ತರುವ ವಿಷಯವಾಗಿದೆ."