Angelus: kobundisa bokosi, kosala bolamu mpo ya komimonisa te

Albys KBD CP – O mboka Kinshasa/RDC

Na lisalisi lya nsango elamu la lomingo la tuku misato na ibale, oyo Yezu akofukisa lokuta ya bamoko bakomeli, mosantu papa amanioli o mokolo mwa zomi (10) ya sanza ya  zomo na moko (novembre) na likambo etali kokonza ya semba, kozala pembeni na bato ba bosawa, bongo mosika bato bazali na kaniaka. Bamoko mpo na lolendo ya kibokonzi bazali kosepela, bazalaki kotala baninga “kobanda likolo tee na nsé” “bazalaki komilakisa mpe komikimisa na lokuta kino koyiba baye bazangà, mingi mingi baye bakufela mibali”. Elobi François, oyo asengi bango balakisa kibokonzi babango na botosi kati na bato, “elembo ya lolendo mpe ya kosalela bato”

“Mpo ya bango, ekomaki mpe lokola ete, losambo ezalaki lisusu te esika ya bokutani na nzambe, kasi libaku ya kolakisa kibokonzi mabé mpe esambeli ya lokuta mpo kaka na kobenda miso mabato mpe koluka bokumisi ”.

Papa François abiangi bato na kozala mosika,  koboya kondimela mpe koboya komekola bato binà; aboyi ezalela ya kikaniaka, oyo ekomisaka makambo mabé lokola eloko ya malamo o kati n abato mpe na lingomba, ekotinda bato baniokola mpe bayiba basusu, mingi mingi bangàmba. Ba kosalaka bikela bizabga bosembo, bakofitisa mpe mbebà te.

kokonza, mosala ya bosàwà

Na bokeseni ba bato binà, Yezu, na maloba mpe ndakisa ya yé, akoteya makambo makekesni na kokonza. “Alobeli yango lokola komilongola mpe kosala mosala na bosàwà, na boboto ya bomama na botata mpo na bato, mingi mingi baye basengeli na lisalisi”, elobi mokitani ya Mosantu Petelo, abiangi baye basimbi bokonzi, “bayokisa bato nsoni te, kasi batombola bango, bapesa bango elikya mpe basalisa bango”  

Lokola momeseno, balomingo inso, mpo ya kosukisa, papa akolendisa bandimi mpo ya bomoyi babango ya mokolo na mokolo nakomituna : “boni boni nakomeme mosala mwa ngai? Na zali na ezalela ya bosàwà to ya lolendo?, nazali na boboto mpe limemia nà bato to na konionga mpe kokonza basusu? Bongo na bandeko bangai basi mpe babali ya bangamba, na zali pembeni nna bango?, nakoko komikitisa mpo ya kosalisa bango batombwama? ”

Melesi na ndenge osili kotanga lisolo eye. Soki bolingi kokoba na kolanda mayebisi, mikomisà na mokanda mya mayebisi, o kofina awa