Angelus : Kotondo botondi mpo ya likabo ya bomoyi, elembo ya motuya (enene) ya Nzambe

Albys KBD cp – Kinshasa / R.D.Congo

Batiaki ye na eklezya moke ya ndako ya Sant Marta oyo bandimi bayebi mpo ya bamisa asalakà mikolo na mikolo, mingi mpenza o eleko ya Covid. Yambo, François alaki bato ete “akobika”, ayoki mpasi na ndenge akoki kozala elongo na baleki nzela ya place Saint-Pierre mpo na “mikano ya kozwa”.  Milulu mya eyenga ya mbotamà lolenge yoko na maye ya bofungoli ya Jubilé, bikotondisa manaka mya Pàpa oyo azali na bambula tutku mwambé na mwambé, na poso mokoyà.

Mikolo misato mileki ut0 bafungolaki Ekotelo ya Santu na Saint-Pierre, nzokandé bozangi komonono ya Pàpa na fenetre ya ndako ya bokitani bwa ba apostolu, mingi bazalaki baye babundaki na malili oyo ezali kotungisa mikolo miye mboka mokonzi ya ekolo ya Italie mpo nakolanda Pàpa na bilili ya esika ena. Na komaniola liloba la Nzambe la mokolo moye, mozalaki kolobela bokutani ya Maria nà Elizabeti, nsima ete angelu ya mokonzi asangelaki Maria, Mokonzi monene ya katoliko apesaki likanisi na ntina ya kozala mama (bomama) mpe nguya ya bomoyi, epesami na ndakisa ya bokutani kati na basi babale eye “bazali kosepela mp ona likabo la kokamwa ya kokòma mama”.

« Toyoka nsai mpo na bonzenga ya bamama »

Esengo moko oyo mosantu Pàpa alingi kopesa moto na moto: “bomanyoli ya bilembo ya kokamwa ya mosala ya libiki lya nzambe ekoki kokòmisa biso te mosika na ye kasi kosalisa biso nakokundola esalisi mpe bolingi bwa ye pembeni ya biso”, elobaki Episkopo wa Roma, na kozwa ndakisa “ya bomoyi inso, mpe mwana inso”. Mpo na François: “kobotama ya mwana moko te azali libaku ya mbebà”

« Ezalaki na bamama nà bana ba bango, mpe mbala mosusu basi baye bazalaki kozela kobota ». “Esengeli tokanga miso te  mpo ya kozanga komona kozala ya bango , toyekola kosepela na bonzenga ya bango mpe, lokola Elizabeti nà Maria, tobenisa bamama mpe tokumisa nzambe mpo ya likamwisi lya bomoyi! ” e beleli François oyo akanisi ete kolikya ekomono na bilembo ya mike mike, neti oyo ya koteleme na bus, tango mwasi azali na zembi apusani.    

Kolula mpe kotondo botondi na mobombamo ya bomoyi

Mpo na eyenga ya Mbotamà, koleka bibongiseli ya bandako, bamwinda mpe banzembo, mokonzi monene ya bakatoliko alingi ete biso tolakisa “ba mposa ya biso ya esengo” tango inso tokokutanaka na moboti moko azali komema mwana na maboko to na mabolongo. “mpo ete bobòtami inso ebenisama nà mpe ete moboti inso na mokili azwa matondi mpe nkombo ya Nzambe ekumisama, oyo akopesaka na basi mpe babali ndingisa ya kopesa bomoyi”

Lokola na bomeseni ya balomingo inso, Pàpa asukisaki na kokanisa baye bazalaki na lisanga: bamituna soki bakokumisaka mpe tokobenisaka Mokonzi mpo ya mwana inso akobotamaka? Tango na kokutanaka na mwasi azali kozela kobota, nazalaka malamu na ye? Nakosungaka to kobatelaka libongi lisantu ya bomoyi ya bana ut’o mbotamà lya bango o mabumu mya bamama ba bango? ”. “Tika ete Maria oyo abenisami yambo ya basi banso, a salisa biso koyoka boluli malamu mpe botondi liboso lya mobombamo ya bomoyi oyo ezali kobotama ”, ndenge mokitani wa Petelo abeleli yambo ya kobenisa, sima ya ba mbela bya yé ya mokili mobimba. Bikeko ya bana-Yezu bandimi bamemaki na place Saint-Pierre. Ye mei François amemaki mpe ya yé, mwana-Yezu oyo Episkopo monene ya Santa Fe, akabelaki ye, basalaki yango na bato ya mboka ya Equateur.   

Matondi na ndenge otangi mokanda eye. Soki olingi kozwa basango tango inso, mikomisa na manaka na biso ya basango na kofina awa