Angelus ya Basantu Banso : Papa akumisi “basantu ya bonkùtù na bomoyi”

Albys KBD cp – Kinshasa /RDC

Na nsé ya bondongwi bwa moyi  ya eleko ya Automne, oyo engalisi esika ya Mosantu Petelo (la place Saint-Pierre) na eyenga ya basantu banso, Papa atindi mabanzo maye na mwa tango moke o bisengo mwambe etangemaki na nsango elamu ya mokolo mona. Lokola François alobeli yango na buku ya malongi ma yé lokola ntoma, na maye matali Kibosantu (kozala mosantu) ebimaka na sanza misatu o mobu 2018, na kombo ya Gaudete et exsultate (Sepela mpe yoka nsai), bizali bongo « mokanda ya bolakisi kimokristu».

Komilongola mpo ya kotika esika na Nzambe

Nzela ya bosantu ezali nayino likabo la nzambe, elobi Papa mokolo ya mosala mitano moye 1er ya sanza ya novembre liboso ya minkoko ya batamboli. “Yambo ndé tokosenge na Nzambe akomisa biso basantu, akokisa mitema mya biso likoya ya yé ”, elobi François na kotanga buku akomi mpo ya bala ya ineyi mpe ya nsuka na kombo ya DILEXIT NOS , ebimaki poso moko eleki, ebonzami na Motema Mosantu mwa Yezu. “Na ngrasya ya yé, akobikisa biso mpe akokangola biso na manso ekopekisa biso kolinga lokola alingi biso, mpo ete kati na biso, lokola elobaki mwa esengo Carlo Acutis, etikala komilongolisa mpo ete nzambe azwa esika seko” elendisi episkopo wa Roma oyo akolubola kala te elenge mwana ya Itali awaki na mbula zomi na mitano sima ya bokono ya Leucemie na mobu 2006; elenge oyo a bongolaki eyamba ya yé na informatique mpo ya botatoli bwa molimo.  

Bosantu, likabo na Nzambe kasi na makasi te

Na nsima François abeleli eyano ya biso mpo ya bosantu, “likabo li pesameli” biso na Nzambe kasi na “makasi” te. “Aloni yango kati na biso, akoyokisa biso bokenzù mpe bonzenga bwa yango kasi akozela mpe komemya eyano ya biso”, elendisi Mokonzi monene ya eklezya, nakoyebisa biso ete “Nzambe akotikelaka biso tango yakolanda na bonsomi makanisi malamu, ya kokoto na makanisi ma yé, ba mposa ya yé (mayoki) ekoma ya biso”. Ekosalema soki “tokomibonza mpo ya baninga na bolingi suka te mpo ya banso, na banso o mokili mobimba” ekobaki koloba François. 

Na Eklezya, ebele bazali basantu na bonkùku

Mpe mokitani ya  santu Petelo atangi ebele ya basantu milono na biso mpo ya komekola nbango: Maximilien Kolbe, bomartiro na Auschwitz, Mère Teresa de Calcutta, apostolu ya babolà to mpe Mgr Oscar Romero, abomamaki na lotale na mobu 1980 mpo na kowela likambo ya babolà na maboko ya bato babé.

“Bongo, bakoki kosala motango ya basantu ebele”, baye biyenga tosambelaka na lotale, baye ba mokolo minso bazali kotambola na bokristo na bomoyi bwa bango to bantu banso ba batami na bonkuku zambi eklezia etondisami mpe baye mosantu papa asili kotanga. «Boni boni bosantu ebatami kati na eklezya!» ekamwi François.

Bato «batondisami na Nzambe»

Nionso ebongisami na bisengo mwambe :  bobolà, boboto, ngolu, mposa ya bosembo, bopeto, kotiya boyokani. Bato « batondisami na Nzambe », bakoki kokanga motema te, mpo ya bosenga ya baninga babango; banzeneneke ya banzela ya mwinda, biso mpe lokola, esukisi episkopo wa Roma.  

Bongo mokinani wa Petelo alendisi bandimi ba Roma mpe ya mokili mobimba na mitunà miye: “zambi nasengeke nzambe kati na losambo, likabo bya bomoyi bwa bosantu? Zambi na mitikaka kokambama na mposa ya malamu Elimo ya yé ekotinda kati na ngai? Zambi ngayi moko na salelaka bisengo mwambe ya Nsango Elamu, na bisika epai wapi tozali?”.