Na sanza ya yanuali, Likanisi lya Pàpa epesami mpo ya botangisi kelasi ya bana mpe bilenge.

Albys KBD cp – Kinshasa/RDC

“Sika, tozali kokutana solo na ‘likàmà ya kotanga’. Ezali kolekisa na maloba te”. Mpo ya sanza ya yanuali 2025, Pàpa Franswa abiangi eklezya, na nzela ya bilili, na kosambela mpo na kotànga ya bilenge mpe bana na nzela ya ba reseau mondial ya losambo ya Pàpa.

Engebene Unesco, bana penepene ya 250 miliyon na mokili batangaka te, n antina “ya bitumba, ya kokima bamboka, ya bobola”, nà bisaleli moké ya kotangisa, ba kelasi ya malamu te nà balakisi (bateyi) ya motuya. Likambo moko Franswa akosepela na yango te, alingi ete “bana banso mpe bilenge bazali na lotomo ya kokende na kélasi, ezala likambo ya wapi esika bawuti”.

Mpo na Tata-Mosantu, oyo azalaki moteyi na mboka Argentine tango azalaki nayino koyekola bonganga na lingomba ya ba Jésuites “kotanga ezali elikya mpo ya banso” mpo ete “ezali kofungola kilobi moko ya malamu”.

Kobikisa ba-luki mboka mpe ba-kimà mboka.

Ebele ya bana mpe bilenge, basengisi bango kokima mabele mya bango, na ntina ya bokengi to ya nkita; bakoki te kozwa mateya masengeli mpo ya bango. Mpasi lisusu mpo bakomà motindo ya “bokaboli, ya mobulu, ya kosalela”. “Bana boniboni zalai kosalela”, ebeleli mokonzi monene ya bakatoliko.

Liboso ya likambo liyé, Franswa abeti nsete na botuya ya kotanga na bokotisami ya ba-kimà mpe ba-luki mboka o mabele masika. Mpo ya yango, «ba-kimà mpe ba-luki mboka bakoki komema yabango lisalisi na bato», elobi Pàpa, kati na bisika ya sika bakuti, to na ba ekànga ya bango, soki bakati ete bazonga. Ezali nde mokumba ya ba mangomba oyo bazali koyamba ba-kimà mpe ba-luki mboka. « tobosana te été oyo akoyamba mopaya ayambi Yezu-Kristu» ekobi Tata-mosantu koloba.

Elakà (na nzela) ya mokili moko eleki bomoto

Na nsuka ya bilili, Pàpa franswa abaingi eklezya ya mokili mobimba na kosangana nà yé mpe na kosambela “mpo ete lotomo ya kotangisa ba-luki mboka, ba-kimi mboka, baye bazwi bitumba, bayeba limemya mpe balàka bango botongisi ya mokili moko eleki bomoto”.

Bomitungisami mpo ya ba-luki mboka ezali motomolo ya katikati mp ona Mokonzi monene ya Bakatoliko Franswa, ezwami mpe na manaka ya jubilé2025, Spes non Confundit. Kokota mpo na mateya ezali lolenge motuya ya bokoti ya ba-luki mpe ba-kimà mboka, na bisika bazwami sika.

Matondi na ndenge otangi mokanda eye. Soki olingi kozwa basango tango inso, mikomisa na manaka na biso ya basango na kofina awa.