Jubilé ezali libaku ya kofungola etando ya botongi ya mitema mya biso

Albys KBD cp – Kinshasa/RDC

Bandà poso moko, balekinzela mpe batamboli na boyambi, bazali kopusana mpo ya koyingela o ezibelo (ekuké ) Esantu ya baziliki ya Mosantu-Petelo ya Roma oyo papa afungolaki na bùtù ya mokolo tutkù ibale ya sanza ya desembere. Mobu moye ya Jubilé ekozala libakù ya kotambola ya bandimi bamiliyon tukù misato, oyo ekotika elembo ya yambo ya eteni ya mbula nkamà ya bambula nkoto ya mibale.

Pembeni ya ebandela ya mobu yam osala, o mokolo mwa 31 ya desembere, Pàpa Franswa a kambaki misa ya mpokwa ya eyenga ya Maria Mama ya Nzambe mpe Te Deum  ya kotondo botondi mpo ya mobù2024 mowuti koleka o kati ya baziliki ya Vatican, misu mitingami na Jubilé.

Mboka Roma elengeli koyamba mokili mobimba

  Na mateya mayé, Mosantu-Pàpa alobelaki ebele ya bitando ya botongi o kati ya Roma na bolengeli Mobù Mosantu. Bisika biye ya Roma: ndakisa ya esikà ya Panthéon, esika ya Navone,  pont Saint-Ange, esikà ya Pia na ebandeli ya nsela ya ya Conciliazione,… bisilaki kobongisama, eyano mpo na bosengà ya Pàpa “na libyangami ya yé moko Roma, na libyangi y abato banso”. Solo, mpo na Pàpa ya argentine,  « Roma ebyangemi mpo ya koyamba mokili mobimba, mpo ete banso bayebana ete bazali bana banzambe, mpe bandeko kati na biso».

Ezali malamu kokanisa ete ba sanza biyé, engumba ya biso ekomi bitando ya botongi na likanisi lina mobimba, komilengele mpo ya koyamba babali mpe na basi ya mokili mobimba, bakatoliko mpe Bakristu ya eyamba misusu, bandimi ya mangomba misusu, baluki ya bosolo, bonsomi, bosempo mpe boboto, banso batamboli ya elikya mpe ya bondeko.

Elikya ya bondeko

Pàpa apesi matondi mp ona misàlà mina manso misalemi “na bolayi bwa horison ya elikya ya bondeko”. Ekomamaki o mokolo mwa libwà (9) ya sanza ya mayi 2024, manaka Spes non Confundit epesaki “batamboli ya elikya” lokola devise ya Jubilé 2025. Na kati ya ba nzela nyonso ya elikya, Franswa asepeli kolobela oyo ya bondeko. “Elikya evandi na bondeko” elendisi ye.

Kasi mpo na Episkopo ya Roma, bondeko ena ezali kaka « slogan ya maloba te» bondeko makasi mana ya bomoto evandi mpenza na makanisi ma mpamba te, to na ba nkita, to na bokoli ya teknologi. Nzokandé na ndakisa ya Maria Mama wa Nzambe , ezali na Yezu « mwana oyo akomaki moto, atindamaki na Tata mpo ete tokoma oyo tozali, elimboli ete bana batata wa biso azali o likolo, biso na biso bandeko babali na basi».

Koyeba etando ya botongi motuya

Na bosukisi, Franswa apesi likanisi ya kotala etanto ya botongi oyo ya motuya, ya engumba ya Roma te, “kasi oyo etali biso moko na moko”. Etando ya mokolo na mokolo, epayi wapi moto na moto akotika Nzambe abongola ontei ya yé, “mayé malongobani te mp ona ye kozala mwana, oyo ezali na bomoto te”, mpe akomipesa mpo ya kozala malamu ndeko mobali na ndeko mwasi, mozalani na yé.

Milulu miye ya nsuka mpo na mobù 2024 ya Pàpa Franswa, ekolandana nà oyo ya mokolo mwa mosàlà 1er ya yanuali 2025 akokamba misa o kati ya baziliki ya Mosantu-Petelo na ngonga ya zomi (10h)

Matondi na ndenge otangi mokanda eye. Soki olingi kozwa basango tango inso, mikomisa na manaka na biso ya basango na kofina awa.