Episkopo ya lokumu Fernandez alingi kokoba likanisi ya diaconat ya basi

Jean-René Bompolonga- Kinshasa/Congo

Basengaki na ye makasi mpenza mpo aloba na liye etali diaconat ya basi, mokambi ya dicastère mpo na Boyambi, episkopo ya lokumu Victor Manuel Fernandez, abengi kokutana na ba tata mpe ba mama ya Synode mokolo mwa minei 24 ya sanza ya zomi na 16h30 mpo na kosolola likambo ena eye ebimisi masolo ebele banda likambo ya Synode ebandaki.  Bokutani ya yambo esengelaki kosalema mokolo ya mitano molekaki, kasi epsikopo mokambi akokaki kozala wana te, lokola mpe secrétaire ya discatère, oyo akambaki Lingomba 5 eye etalaki likambo lina. Alukaki bongo kopesa ndimbola ekoki mokolo mwa liboso ya poso na tongo o eleko ya congrégation générale ya mbala 13 ya Synode. Bokutani ya mokolo ya minei eye mama ya likambo ekozala ya koyoka ba “makanisi na oyo etali mosala ya basi na Eklezia” mpe kopesa ba kombo ya bato baye bazali na Lingomba 5, “mpo na kosangisa bilongi na mosala ena”, ndenge alobaki. Episkopo alimbolaki makambo misusu ebele.

Mokano ya Papa

Lisusu, lisolo ena ekoki kokoba mpo na baye bamoni ezali na ntina. “Papa ayebisaki nga ete commission eye episkopo ya lokumu Giuseppe Petrochi azali kokamba (na eye etali diaconat ya basi mpe esalemi na 2020 ndlr) ekokoba misala na yango”. Baye bazali na Synode bakoki kotindela ye na kombo na bango moko to na kombo ya lingomba, “makanisi, ba articles to mpe mituna na bango na likambo lina”. Misala ya commission ekobanda lisusu sima ya ba sanza.

Basi ya Synode balukami

Liboso wana, episkopo ya lokumu Fernandez alobaki ete asengaki ete batinda na discatère na ye “matatoli ya basi baye bazali kokamba ba communauté to mpe bazali na misala ya kokamba” pamba tè bazui bokambi na nguya ya Elimo na botali mposa ya bato”. “Oyo ezali ya solo eleki mosika likanisi”, ndenge abakisaki.

Mokambi ya discatère alobaki lisusu ete asengi na basi baye bazali na Synode basunga mpo na koyamba, kolimbola mpe kokomisa na discatère makanisi lolenge na lolenge “mpo ete bayoka na ndenge elongobami, maye manso mazali komema na misala ya basi na kokamba Eklezia”. “Tozali kozela makanisi na bino”.