Maponami ya kibokambi Ekolo, Mokonzi Kaïs Saïed oyo azali kosilisa, kinkumu ya mboka Maponami ya kibokambi Ekolo, Mokonzi Kaïs Saïed oyo azali kosilisa, kinkumu ya mboka  (AFP or licensors)
MOKILI

Maponami ya bokambi ekolo, ya Tunisia: Kaïs Saïed, Nkumu oyo azosilisa kibokonzi, azali kolaka bolongi bonene.

Ekolo ya Tunisia ezali kobongama mpo na maponami ya mokambi ya ekolo o mokolo 6 ya sanza ya zomi ekoya. Mokonzi Kaïs Saïed oyo azali kosilisa, akozala kaka na bambanda mibale mpo na kowelela kibokonzi: ezali bongo Zouhair Maghzaoui, député ya kala ya gauche panarabe, nà Ayachi Zammel, mokambi ya parti libéral moko ya moke. Pembeni ya maponami yango, mopepe ya politiki ya ekolo ya Tunisia ekauki. Ngambo moko te ya bobanda emonani makasi mpe endimami ekoki komekana na mokonzi oyo azali kosilisa.

Albys KBD cp - Kinshasa/RDC

 

Mokolo mwa eyenga 6 ya sanza ya zomi, bana mboka ya Tunisia bakoleka na maponami. Mokonzi oyo azali wana Kaïs Saïed, motangisi ya Droit constitutionnel oyo aponamaki na lolenge elongobani na mobu 2019, abongami mpo ya kozua bokonzi mpo ya mbala ya mibale. Akowela bokonzi na bato mibale, mpe moko na bango azali na boloko.

“Lokola n’Algeria”, motuya ya likambo ezali bongo “koza na maponami ena”, elobi Kader Abderrahim, moteyi ya conférences na Sciences Po Paris. Ezali bongo maponami ya mokonzi “na lolenge ya bokengi, ezali na suspense te, mpe esalemi liboso te”.

Lokoso ya kibokonzi ya mokambi Kaïs Saïed

Sima ya mibu mitano ya elonga ya yé na mobu nkoto ibale na zomi na libwà ( 2019), Kaïs Saïed, mokonzi oyo azosilisa kibokonzi amikotisaki na nzela ya autocratique. Baye batalaka, politiki ya Tunisia, mingi balobelaki yango ‘te ezali bozongi ya kokonza “Ezalaki  ekonzeli moko ya makasi mpe ekomaki kokengela lolenge inso ya elobeli mpe lolenge yoko likanisi ya bato”, elobaki Kader Abderrahim. “Akangisà na maboko maye bokonzi bonso bwa ekolo, azali ye moko kokengele nyoso, ye moko mpe azali kokamba lelo ekolo ya Tunisia”, ndenge Kader abakisaki.  

““Ba mbano ya révolution ya 2011 na Tunisia bizali kaka na milimo kasi na misala te, ekomonana malembe malembe ete police, bayi politiki, mokambi ya misala ya kati ya mboka bazali kolongola moko moko bonsomi ya moto mpe ya bana mboka. Ezli na eloko ya malonga te ya kozela epayi ya mokonzi oyo, soki akotikalaka kaka na molilo ena, mpe akoyokela bana mboka te. Lelo ezali na likoki te yakopona to ya kozela na politiki ya Tunisia”.”

 

Botondi na ndenge otango mokanda eye. Soki olingi ozala natango inso na basango, mikomisa na mokanda na biso ya sango na esika eye    

10 October 2024, 05:06
Angelus
Angelus
Makita (Audiences) ya Papa
Makita (Audiences) ya Papa
Lisalisi lya yo mpo ya etinda enene:salisa biso mpo ya bopalinginyi liloba lya Papa bipai binso. Lisalisi lya yo mpo ya etinda enene:
salisa biso mpo ya bopalinginyi liloba lya Papa bipai binso.