Бискупот Стојанов оствари средба со директорот на КОВЗРГ Трајковска

Во таа прилика бискупот Стојанов и ја честиташе на г-ѓа Оливера Трајковска доверената раководна служба во КОВЗРГ, посакувајќи ѝ Божји благослов.

Во пријатна и срдечна атмосфера беше истакната досегашната континуирана добра соработка помеѓу Католичката црква и Комисијата за односи со верските заедници и религиозните групи со желба таа да продолжи и во иднина со нови идеи и иницијативи. Сите важни прашања од доменот на верскиот и општествениот живот кои ги засегаат и двете страни, заеднички ќе бидат разгледувани и решени, а заедничките одлуки ќе се имплементираат за заедничко добро на сите.

На средбата беше разговарано за сите значајни моменти од мозаикот на верскиот живот во Македонија. Католичката црква како дел од тој мозаик дејствува во насока на градење квалитетни и трајни врски со останатите верски заедници.

На крајот од средбата бискупот Стојанов на г-ѓа Оливера Трајковска, директор на КОВЗРГ, ѝ ја подари монографијата „25 години епископство на монсињор Киро Стојанов“.