Кардиналот Паролин ќе учествува на 79. заседание на Генералното собрание на Обединетите нации

Од недела 22 септември до понеделник 30 септември, државниот секретар кардинал Пјетро Паролин ќе престојува во Њујорк каде ќе учествува на 79-то заседание на Генералното собрание на Обединетите нации. Ова е објавено од Државниот секретаријат на платформата Х преку профилот @TerzaLoggia. Кардиналот ќе претседава и со литургиското славење по повод 60-годишнината од присуството на Светиот Престол во Обединетите нации.

За време на 79-то заседание, Генералното собрание на Обединетите нации ќе се фокусира на промовирање мултилатерални решенија засновани на Повелбата на Обединетите нации и забрзување на напорите за спроведување на Агендата 2030 и целите за одржлив развој. Меѓу приоритетите се поддршката на меѓународниот мир и безбедност, промоција на одржливиот развој, борбата против климатските промени, губењето на биодиверзитетот и загадувањето на животната средина.