ഇടവക വൈദികരുടെ അന്താരാഷ്ട്ര സമ്മേളനം റോമിൽ!

ജോയി കരിവേലി, വത്തിക്കാൻ സിറ്റി

ഇടവകജീവിതത്തിലെ സിനഡാത്മക സഭാനുഭവങ്ങൾ പങ്കുവയ്ക്കുന്നതിന് ഇടവകവൈദികരുടെ ഒരു രാജ്യാന്തര സമ്മേളനം റോമിൽ നടക്കും.

ഏപ്രിൽ 29-മെയ് 2 വരെ റോമിൻറെ പ്രാന്തത്തിലുള്ള സക്രൊഫാനൊയിൽ, “ഫത്തേർണ ദോമൂസിൽ” ആണ് ഈ സമ്മേളനം അരങ്ങേറുക.

സമാപനദിനമായ മെയ് 2-ന് സമ്മേളന വേദി വത്തിക്കാനിലായിരിക്കും. സമ്മേളനത്തിൽ പങ്കെടുക്കുന്നവർ അന്ന് ഫ്രാൻസീസ് പാപ്പായുമായി കൂടിക്കാഴ്ച നടത്തുകയും സംഭാഷണത്തിലേർപ്പെടുകയും ചെയ്യും.

വൈദികർക്കായും പൗരസ്ത്യസഭകൾക്കായും സുവിശേഷവത്ക്കരണത്തിനായുമുള്ള വിഭാഗങ്ങളുടെ സഹകരണത്തോടെ സിനഡിൻറെ പൊതുകാര്യാലമാണ് ഈ സമ്മേളനം സംഘടിപ്പിക്കുന്നത്. “ഇടവകവൈദികർ സിനഡിനു വേണ്ടി” എന്ന പ്രമേയമാണ് സമ്മേളനം സ്വീകരിച്ചിരിക്കുന്നത്.