രക്തസാക്ഷിത്വത്തെയും ജീവദാനത്തെയും അധികരിച്ച് ഒരു സമ്മേളനം!

ജോയി കരിവേലി, വത്തിക്കാൻ സിറ്റി

നിണസാക്ഷിത്വത്തെയും ആത്മദാനത്തെയും അധികരിച്ച് ഒരു സമ്മേളനം റോമിൽ നവംബർ 11-14 വരെ നടക്കും.

വിശുദ്ധരുടെ നാമകരണനടപടികൾക്കായുള്ള വത്തിക്കാൻ സംഘത്തിൻറെ ആഭിമുഖ്യത്തിൽ സംഘടിപ്പിക്കപ്പെടുന്ന ഈ സമ്മേളനത്തിന് ആതിഥ്യമരുളുക അഗസ്തീനിയാനും പാട്രിസ്റ്റിക് ഇൻസ്റ്റിറ്റ്യൂട്ടായിരിക്കും.

വിശുദ്ധരുടെ നാമകരണനടപടികൾക്കായുള്ള സംഘത്തിൻറെ അദ്ധ്യക്ഷൻ കർദ്ദിനാൾ മർചേല്ലൊ സെമെറാറൊ സമ്മേളനെ ഉദ്ഘാടനം ചെയ്യും.

“ഇതിലും വലിയ സ്നേഹമില്ല, നിണസാക്ഷിത്വവും ജീവൻറെ ദാനവും” എന്നതായിരിക്കും ഈ സമ്മേളനത്തിൻറെ വിചിന്തന പ്രമേയം.