പീഢിത ക്രൈസ്തവർക്കായുള്ള പ്രാർത്ഥനാദിനം!

ജോയി കരിവേലി, വത്തിക്കാൻ സിറ്റി

ജർമ്മനിയിലെ കത്തോലിക്കാസഭ പീഡിത ക്രൈസ്തവർക്കു വേണ്ടിയുള്ള പ്രാർത്ഥനാദിനം ആചരിച്ചു.

പ്രഥമ ക്രൈസ്തവ രക്തസാക്ഷിയായ വിശുദ്ധ സ്റ്റീഫൻറെ തിരുന്നാൾ ദിനമായ ഡിസംബർ 26-ന്, വ്യാഴാഴ്‌ച ആണ് ഈ ദിനം ആചരിക്കപ്പെട്ടത്.

ജർമ്മനിയിലെ കത്തോലിക്കാമെത്രാൻസംഘത്തിൻറെ ആഭിമുഖ്യത്തിലാണ് അനുവർഷം ഡിസംബർ 26-ന് ഈ ദിനം ആചരിക്കുന്നത്.  ലോകത്തിൻറെ വിവിധഭാഗങ്ങളിൽ വിശ്വാസത്തെപ്രതി പീഡിപ്പിക്കപ്പെടന്നവർക്കു വേണ്ടിയുള്ള പ്രത്യേക നയോഗത്തോടുകൂടി അന്നേ ദിവസം ദിവ്യബലി അർപ്പിക്കുകയും അവരെ സഹായിക്കുന്നതിനായി ധനശേഖരണം നടത്തുകയും ചെയ്യുന്നു.