പാപ്പാ: ദൈവദത്തമായ നമ്മുടെ താലന്തുകൾ നാം മറക്കരുത്!

ജോയി കരിവേലി, വത്തിക്കാൻ സിറ്റി

നമുക്കുള്ള കഴിവുകളെക്കുറിച്ച് നാം ചിന്തിക്കേണ്ടതിൻറെ ആവശ്യകത പാപ്പാ ചൂണ്ടിക്കാട്ടുന്നു.

ചൊവ്വാഴ്ച (11/01/22) കുറിച്ച ട്വിറ്റർ സന്ദേശത്തിലാണ് ഫ്രാൻസീസ് പാപ്പാ, ദൈവം നമുക്കേകിയിരിക്കുന്ന കഴിവുകളെ മറന്നുകൊണ്ട് ജീവിക്കുന്ന നമ്മുടെ സ്വഭാവത്തെക്കുറിച്ചു സൂചിപ്പിച്ചിരിക്കുന്നത്.

പാപ്പാ തൻറെ ട്വിറ്റർ സന്ദേശത്തിൽ പറയുന്നത് ഇങ്ങനെയാണ്:

“ചിലപ്പോൾ, നമ്മുടെ ജീവിതത്തിലേക്ക് നോക്കുമ്പോൾ, നാം കാണുക നമുക്ക് ഇല്ലാത്തവ മാത്രമാണ്,  നമുക്കുള്ള നന്മകളെയും കഴിവുകളെയും കുറിച്ച് നാം ചിന്തിക്കുന്നില്ല. എന്നാൽ, നമ്മിൽ വിശ്വസിച്ചുകൊണ്ട്, ദൈവം അവ നമുക്കു നല്കിയിരിക്കുന്നു. ഗൃഹാതുരത്വമില്ലാതെ, അവിടത്തെ പുനരാഗമനത്തിനായുള്ള കർമ്മോത്സുക കാത്തിരിപ്പിൽ, വർത്തമാനകാലം ജീവിക്കാൻ അവിടന്ന് നമ്മോട് ആവശ്യപ്പെടുകയും ചെയ്യുന്നു.”

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

Tweet 

IT:  A volte, guardando la nostra vita, vediamo solo quello che ci manca, e non pensiamo al bene e ai talenti che abbiamo. Ma Dio ce li ha dati perché si fida di noi, e ci chiede di impegnare il tempo presente senza nostalgie, nell’attesa operosa del suo ritorno.

EN: Sometimes, looking at our lives, we see only the things we lack and forget the talents we possess. Yet God gave them to us because He trusts us and asks us to make the most of the present moment, not yearning for the past, but waiting industriously for His return.