പാപ്പാ ഏതാനും കുഞ്ഞുങ്ങൾക്ക് ജ്ഞാനസ്നാനം നല്കും !

ജോയി കരിവേലി, വത്തിക്കാൻ സിറ്റി

കർത്താവിൻറെ മാമ്മാദീസാത്തിരുന്നാൾ ദിനമായ ഞായറാഴ്ച പാപ്പാ ഏതാനും കുഞ്ഞുങ്ങളെ സ്നാപ്പെടുത്തും.

വത്തിക്കാനിൽ സിസ്റ്റയിൻ കപ്പേളയിൽ ആയിരിക്കും ഈ തിരുക്കർമ്മം നടക്കുക.

ഏഴാം തീയതി ഞായറാഴ്ച (07/01/24) രാവിലെ പ്രാദേശിക സമയം 9.30-ന്, ഇന്ത്യയിലെ സമയം ഉച്ചയ്ക്ക് 2- മണിക്ക്, ആണ് മാമ്മോദീസാ കൂദാശാ പരികർമ്മമടങ്ങിയ വിശുദ്ധകുർബ്ബാന ഫ്രാൻസീസ് പാപ്പായുടെ മുഖ്യ കാർമ്മികത്വത്തിൽ സിസ്റ്റൈൻ കപ്പേളയിൽ ആരംഭിക്കുക.

വത്തിക്കാൻ ജീവനക്കാർ മാതാപിതാക്കളായുള്ള 16 കുഞ്ഞുങ്ങൾക്കാണ് പാപ്പാ മാമ്മോദീസാ നല്കുന്നത്.  ഈ കുഞ്ഞുങ്ങളുടെ മാതാപിതാക്കളും തലതൊടുന്നവരും ബന്ധുമിത്രാദികളും ഉൾപ്പടെ ഇരുന്നൂറിലേറെപ്പേർ ഈ തിരുക്കർമ്മത്തിൽ പങ്കുകൊള്ളും. അനുവർഷം കർത്താവിൻറെ ജ്ഞാനസ്നാനത്തിരുന്നാളിൽ സിസ്റ്റൈൻ കപ്പേളയിൽ വച്ച് പാപ്പാ കുഞ്ഞുങ്ങളെ സ്നാപ്പെടുത്താറുണ്ട്.