കുരിശുകൾ ഒന്നിൻറെയും അന്ത്യമല്ല, മഹത്വത്തിലേക്കുള്ള കവാടങ്ങളാണ്,

ജോയി കരിവേലി, വത്തിക്കാൻ സിറ്റി

യേശുവിങ്കൽ ഒരോ കുരിശും ഉത്ഥാനത്തിലേക്കു നയിക്കുന്നുവെന്ന് മാർപ്പാപ്പാ ഉദ്ബോധിപ്പിക്കുന്നു.

ശനിയാഴ്‌ച (23/03/24)  കണ്ണിചേർത്ത ട്വിറ്റർ സന്ദേശത്തിലാണ് ഫ്രാൻസീസ് പാപ്പാ ദൈവാശ്രയബോധത്തോടെ നാം നമ്മുടെ ദൈനംദിന കുരിശുകൾ പേറുകയാണെങ്കിൽ സംഭവിക്കുന്ന മാറ്റത്തെക്കുറിച്ചു സൂചിപ്പിച്ചുകൊണ്ട്  ഇങ്ങനെ കുറിച്ചിരിക്കുന്നത്.

പാപ്പായുടെ പ്രസ്തുത ട്വിറ്റർ സന്ദേശത്തിൻറെ പൂർണ്ണരൂപം ഇങ്ങനെയാണ്:

“ദൈവത്തിങ്കൽ നമ്മുടെ കുരിശുകൾ സകലത്തിൻറെയും അവസാനമല്ല, പ്രത്യുത, മഹത്വത്തിലേക്കുള്ള വാതിലുകളാണ്; എന്തെന്നാൽ, യേശുവിനൊപ്പം ആകുമ്പോൾ ഓരോ കുരിശും പുനരുത്ഥാനത്തിലും ഓരോ ഇരുട്ടും വെളിച്ചത്തിലും  ഓരോ  പരിത്യക്തതയും കൂട്ടായ്മയിലും എത്തിച്ചേരുന്നു.”

വിവിധഭാഷകളിലായി 5 കോടി 35 ലക്ഷത്തിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: Con Dio le nostre croci non saranno dei capolinea nel nulla, ma delle porte verso la gloria; perché con Gesù ogni croce finisce in risurrezione, ogni tenebra in luce, ogni abbandono in comunione.

EN: In God, our crosses are not the end of the story; they are doors to glory. In Jesus, every cross leads to resurrection, every darkness to light, every loss to communion.