പാപ്പാ, ജൂലൈ മാസത്തിൽ കൂടിക്കാഴ്ചാ പരിപാടികളിൽ നിന്ന് വിട്ടു നിൽക്കും.

ജോയി കരിവേലി, വത്തിക്കാൻ സിറ്റി

യൂറോപ്പിൽ വേനലവധിക്കാലം ആരംഭിച്ചിരിക്കുന്നതിനാൽ ജൂലൈ മാസത്തിൽ പാപ്പാ കൂടിക്കാഴ്ചാ പരിപാടികളിൽ നിന്നു വിട്ടു നില്ക്കും.

എല്ലാവർഷവും പതിവുള്ളതു പോലെ ബുധനാഴ്ചത്തെ പ്രതിവാര പൊതുകൂടിക്കാഴ്ചാ പരിപാടിയുൾപ്പടെയുള്ള കൂടിക്കാഴ്ചകൾ ഈ കാലയളവിൽ ഉണ്ടായിരിക്കില്ല.

പ്രതിവാര പൊതുകൂടിക്കാഴ്ച പാപ്പാ ആഗസ്റ്റ് 7-ന് പുനരാരംഭിക്കും. രാഷ്ട്രത്തലവന്മാരുമായുള്ളതുൾപ്പടെയുള്ള പാപ്പായുടെ കൂടിക്കാഴ്ചകളും മറ്റും ക്രമീകരിക്കുന്ന കാര്യാലയം (The Prefecture of the Papal Household) ആണ് ഒരു പത്രക്കുറിപ്പിൽ ഇക്കാര്യങ്ങൾ വെളിപ്പെടുത്തിയത്.