സഹോദര്യസരണി കാണിച്ചു തരാൻ പരിശുദ്ധ മറിയത്തിൻറെ മാദ്ധ്യസ്ഥ്യം തേടുക, പാപ്പാ!

ജോയി കരിവേലി, വത്തിക്കാൻ സിറ്റി

വിശ്വശാന്തിക്കായി സമാധാന രാജ്ഞിയായ പരിശുദ്ധ മറിയത്തോടു പ്രാർത്ഥിക്കാൻ മാർപ്പാപ്പാ ക്ഷണിക്കുന്നു.

പരിശുദ്ധ കന്യകാമറിയത്തിൻറെ വിമലഹൃദയത്തിൻറെ തിരുന്നാൾ ആചരിക്കപ്പെട്ട ജൂൺ 8-ന് ശനിയാഴ്ച, “സമാധാനത്തിനായിഒരുനിമിഷം” (#OneMinuteForPeace), “ഒരുമിച്ചുപ്രാർത്ഥിക്കാം” (#PrayTogether) എന്നീ ഹാഷ്ടാഗുകളോടുകൂടി ഫ്രാൻസീസ് പാപ്പാ, “എക്സ്” (X) എന്ന പുതിയനാമത്തിൽ അറിയപ്പെടുന്ന സാമൂഹ്യമാദ്ധ്യമമായ ട്വിറ്ററിൽ കണ്ണിചേർത്ത സന്ദേശത്തിലാണ് ഈ ക്ഷണം ഉള്ളത്.

പാപ്പാ കുറിച്ചത് ഇപ്രകാരമാണ്:

“യേശുവിൻറെ മുമ്പാകെ നമുക്കായി മാദ്ധ്യസ്ഥ്യവഹിക്കാൻ മറിയത്തിൻറെ വിമലഹൃദയത്തോട് അപേക്ഷിച്ചുകൊണ്ട്, നമുക്ക്, ഇന്ന്  ഉച്ചയ്ക്ക് 1 മണിക്ക്, #ഒരു നിമിഷമെങ്കിലും സമാധാനത്തിനായി പ്രാർത്ഥിക്കാം. മാനവകുടുംബത്തിൻറെ രാജ്ഞിയേ, ജനതകൾക്ക് സാഹോദര്യത്തിൻറെ വഴി കാണിച്ചുകൊടുക്കേണമേ; സമാധാനത്തിൻറെ രാജ്ഞീ, ലോകത്തിന് സമാധാനം നേടിത്തരേണമേ.”

വിവിധഭാഷകളിലായി 5 കോടി 35 ലക്ഷത്തിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: Fermiamoci oggi, alle ore 13, a pregare almeno #UnMinutoPerLaPace, chiedendo al Cuore Immacolato di Maria di intercedere per noi davanti a Gesù. #PreghiamoInsieme: Regina della famiglia umana, mostra ai popoli la via della fraternità; Regina della pace, ottieni al mondo la pace.

EN: Let us pause today at 1 PM to pray at least #OneMinuteForPeace, asking the Immaculate Heart of Mary to intercede for us before Jesus. Let us #PrayTogether: ‘Queen of the human family, show your people the path of fraternity. Queen of peace, obtain peace for our world.’