പാപ്പാ പാർപ്പിടരഹിതരുമായി കൂടിക്കാഴ്ച നടത്തി!

ജോയി കരിവേലി, വത്തിക്കാൻ സിറ്റി

കിടപ്പാടമില്ലാത്തവരായ ഒരു സംഘം സ്ത്രീപുരുഷന്മാരുമായി പാപ്പാ വത്തിക്കാനിൽ കൂടിക്കാഴ്ച നടത്തി.

ഇന്തൊനേഷ്യ, പൂർവ്വതിമോർ, സിങ്കപ്പൂർ പാപുവ ന്യൂ ഗിനി എന്നീ നാടുകളിലേക്കുള്ള ഇടയസന്ദർശനത്തിന് പുറപ്പെടുന്നതിനു തൊട്ടുമുമ്പ്, സെപ്റ്റംബർ 2-ന്, വത്തിക്കാനിൽ തൻറെ വാസിയിടമായ “ദോമൂസ് സാംക്തെ മാർത്തെ” മന്ദിരത്തിൽ വച്ചാണ് പാർപ്പിടമില്ലാത്ത 15 പേരടങ്ങുന്ന സംഘവുമായി പാപ്പാ കൂടിക്കാഴ്ച നടത്തിയത്.

പാപ്പായുടെ ഉപവിപ്രവർത്തന കാര്യങ്ങളുടെ ചുമതലവഹിക്കുന്ന കർദ്ദിനാൾ കൊൺറാഡ് ക്രയേവ്സ്ക്കിയാണ് ഇവരെ പാപ്പായുടെ പക്കലേക്ക് ആനയിച്ചത്. ഈ കുടിക്കാഴ്ചാന്തരം പാപ്പാ വത്തിക്കാനിൽ നിന്ന് റോമിലെ അന്താരാഷ്ട്രവിമാനത്താവളമായ ലെയൊണാർദൊ ദ വിഞ്ചിയിലേക്കു കാറിൽ പുറപ്പെടുകയും അവിടെ നിന്ന് ഇന്തൊനേഷ്യയിലേക്കു പോകുകയും ചെയ്തു.