ചാക്രിക ലേഖനം “ദിലെക്സിത് നോസിൻറെ” ഇന്ത്യൻ പതിപ്പ് പുറത്തിറങ്ങി!

ജോയി കരിവേലി, വത്തിക്കാൻ സിറ്റി

ഫ്രാൻസീസ് പാപ്പായുടെ പുതിയ ചാക്രിക ലേഖനം, “അവൻ നമ്മെ സ്നേഹിച്ചു”  എന്നർത്ഥം വരുന്ന “ദിലെക്സിത് നോസിൻറെ” (Dilexit nos) ഇന്ത്യൻ പതിപ്പ് പ്രകാശിതമായി.

യേശുക്രിസ്തുവിൻറെ തിരുഹൃദയത്തിൻറെ മാനുഷികവും ദൈവികവുമായ സ്നേഹത്തെ അധികരിച്ചുള്ള “ദിലെക്സിത് നോസ്” എന്ന തൻറെ പുതിയ ചാക്രികലേഖനം പാപ്പാ ഒക്ടോബർ 24-നാണ് പുറപ്പെടുവിച്ചത്.

ഇതിൻറെ ഇന്ത്യൻ പതിപ്പ് പ്രസിദ്ധീകരിച്ചിരിക്കുന്നത് ഭാരതത്തിലെ ലത്തീൻ കത്തോലിക്ക മെത്രാന്മാരുടെ സമിതി സിസിബിഐ (CCBI) ആണ്. ഹിന്ദിയിലാണ് ഇത് വിവർത്തനം ചെയ്തിരിക്കുന്നത്.

നവമ്പർ 3-ന് ഡൽഹിയിലായിരുന്നു ഇതിൻറ പ്രകാശന ചടങ്ങ്. വിശുദ്ധ മർഗരീത്ത മേരി അലക്കോക്കിന് തിരുഹൃദയ ദർശനം ഉണ്ടായതിൻറെ മുന്നൂറ്റിയമ്പതാം വാർഷികത്തോടനുബന്ധിച്ചുള്ള ജൂബിലി വത്സരാചരണം നടന്നുവരുന്നതിനെക്കുറിച്ച് സിസിബിഐയുടെ പൊതുകാര്യദർശി ഡൽഹി ആർച്ചുബിഷപ്പ് അനിൽ ജോസഫ് കൂത്തൊ പ്രകാശനവേളയിൽ അനുസ്മരിച്ചു.

ഈ ചാക്രികലേഖനത്തിൻറെ ആദ്ധ്യാത്മിക ഗുണങ്ങൾ സ്വീകരിക്കാനും ജീവിതത്തിനാവശ്യമായ പ്രചോദനം അതിൽ നിന്നുൾക്കൊള്ളാനും ഈ വിവർത്തനം ഭാരതത്തിലെ കത്തോലിക്കാ വിശ്വാസികൾക്ക് സഹായകമാകും എന്ന് അദ്ദേഹം പ്രത്യാശ പ്രകടിപ്പിക്കുകയും ചെയ്തു.

1673 ഡിസംബർ 27-നാണ് വിശുദ്ധ മേരി അലക്കോക്കിന് തിരുഹൃദയത്തിൻറെ പ്രഥമ ദർശനം ഉണ്ടായത്. ആകയാൽ ഈ ദർശനത്തിൻറെ വാർഷിക ദിനമായ 2023 ഡിംബർ 27-നാണ് 2025 ജൂൺ 25 വരെ നീളുന്ന ജൂബിലി ആചരണം നടക്കുന്നത്.