പലസ്തീൻ അഭയാർത്ഥികൾക്കായുള്ള സാമ്പത്തിക സഹായം പരിശുദ്ധസിംഹാസനം ഉറപ്പുനല്കി!

ജോയി കരിവേലി, വത്തിക്കാൻ സിറ്റി

പലസ്തീൻ അഭയാർത്ഥികളെ സഹായിക്കുന്നതിന് ഐക്യരാഷ്ട്രസഭയുടെ മേൽനോട്ടത്തിലുള്ള ദുരിതാശ്വാസ പ്രവർത്തന സംഘടനായ യു എൻ ആർ ഡബ്ലു എ (United Nations Relief and Works Agency for Palestine Refugees in the Near East  - UNRWA)-യ്ക്കുള്ള സാമ്പത്തിക സഹായം പരിശുദ്ധസിംഹാസനം സ്ഥിരീകരിച്ചു.

ഇപ്പോഴത്തെ സാഹചരങ്ങളുടെ പശ്ചാത്തലത്തിലാണ് ഈ തീരുമാനമെന്ന് പരിശുദ്ധസിംഹാസനം വ്യക്തമാക്കി. ഐക്യരാഷ്ട്രസഭയിൽ പരിശുദ്ധസിംഹാസനത്തിൻറെ സ്ഥിരംനിരീക്ഷകനായ ആർച്ചുബിഷപ്പ് ഗബ്രിയേലെ കാച്ച, അമേരിക്കൻ ഐക്യനാടുകളിൽ, ന്യുയോർക്കിൽ വെള്ളിയാഴ്ച (12/07/24) യു എൻ ആർ ഡബ്ലു എയുടെ സമ്മേളനത്തിലാണ് ഈ സാമ്പത്തിക സഹായം പ്രഖ്യാപിച്ചത്.

ഈ സംഘടന അതിൻറെ പ്രവർത്തനത്തിൽ നിഷ്പക്ഷത കാത്തുസൂക്ഷിക്കുകയും പരിപോഷിപ്പിക്കുകയും ചെയ്യേണ്ടതിൻറെ ആവശ്യകതയും അദ്ദേഹം ചൂണ്ടിക്കാട്ടി. അതുപോലെതന്നെ ഇസ്രായേലിലും ഗാസയിലും പോരാട്ടത്തിലേർപ്പെട്ടിരിക്കുന്നവർ ഉടൻ വെടിനിറുത്തണമെന്ന പരിശുദ്ധസിംഹാസനത്തിൻറെ ആവശ്യം ആർച്ചുബിഷപ്പ് ആവർത്തിക്കുകയും ചെയ്തു.