ജലപ്രളയ ബാധിത ബ്രസീലിന് സഹായഹസ്തവുമായി കാരിത്താസ്!
ജോയി കരിവേലി, വത്തിക്കാൻ സിറ്റി
പേമാരിയും വെള്ളപ്പൊക്കവും ദുരന്തം വിതച്ചിരിക്കുന്ന ബ്രസീലിന് സഹായവുമായി കത്തോലിക്കാസഭയുടെ ഉപവിപ്രവർത്തന സംഘടനയായ “കാരിത്താസ് ഇൻറർനാസിയൊണാലിസ്” (Caritas Internationalis).
ഇക്കഴിഞ്ഞ ആഴ്ചകളിൽ അന്നാട്ടിലെ 10 സംസ്ഥാനങ്ങളിലുണ്ടായ വെള്ളപ്പൊക്ക ദുരന്തം 270-ലേറെപ്പേരുടെ ജീവൻ അപഹരിക്കുകയും ആയിരങ്ങളെ പാർപ്പിടരഹിതരാക്കുകയും ചെയ്തിരിക്കുന്ന പശ്ചാത്തലത്തിലാണ് “കാരിത്താസ് ഇൻറർനാസിയൊണാലിസ്” സഹായവുമായി എത്തിയിരിക്കുന്നത്.
കാരിത്താസിൻറെ ബ്രസീൽ ഘടകം വഴിയാണ് “കാരിത്താസ് ഇൻറർനാസിയൊണാലിസ്” സഹായം ഏകോപിപ്പിക്കുന്നത്.
ഫ്രാൻസീസ് പാപ്പാ ഞായറാഴ്ച (16/01/22) ബ്രസിലിൽ വെള്ളപ്പൊക്കക്കെടുതിക്കിരകളായവരെ അനുസ്മരിക്കുകയും അവർക്കായി പ്രാർത്ഥിക്കുകയും ചെയ്തിരുന്നു.
വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്ത് വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക: