തിരയുക

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
ജനസുരക്ഷയ്ക്കായി ഐക്യരാഷ്ട്രസഭ ജനസുരക്ഷയ്ക്കായി ഐക്യരാഷ്ട്രസഭ 

ജനവാസമേഖലകളിൽ സ്ഫോടനായുധങ്ങളുടെ ഉപയോഗത്തിനെതിരെയുള്ള പ്രസ്താവനയ്ക്ക് പിന്തുണ അഭ്യർത്ഥിച്ച് ഐക്യരാഷ്ട്രസഭ

ഐക്യരാഷ്ടസഭയുടെ വിവിധ നേതാക്കളും റെഡ്‌ക്രോസും ചേർന്ന് ജനവാസമേഖലകളിൽ സ്ഫോടനായുധങ്ങളുടെ ഉപയോഗത്തിനെതിരെ പ്രസ്താവനയിറക്കാൻ തീരുമാനിച്ചു.

മോൺസിഞ്ഞോർ ജോജി വടകര, വത്തിക്കാന്‍ സിറ്റി

ജനവാസമേഖലകളിൽ സ്ഫോടനായുധങ്ങൾ ഉപയോഗിക്കുന്നതിനെതിരെ, തങ്ങൾ നവംബർ പതിനെട്ടിന് പുറത്തിറക്കുന്ന പ്രസ്താവനയ്ക്ക് യൂണിസെഫ് ഡയറക്ടർ ജനറൽ ഉൾപ്പെടെ, ഐകരാഷ്ട്രസഭയുടെ വിവിധ സംഘടനാനേതൃത്വങ്ങളും, റെഡ്‌ക്രോസും ആഗോളപിന്തുണ അഭ്യർത്ഥിച്ചു. ജനവാസമേഖലകളിൽ സ്ഫോടനായുധങ്ങൾ ഉപയോഗിക്കുന്നതുവഴി സാധാരണജനങ്ങൾ ഇരകളാകുന്നത് ഒഴിവാക്കുന്നതിനുവേണ്ടിയാണ് ഐക്യരാഷ്ട്രസഭയുടെ മൂന്ന് നേതൃത്വങ്ങളും റെഡ് ക്രോസ്സ് അന്താരാഷ്ട്ര കമ്മിറ്റിയുടെ പ്രെസിഡണ്ടും ചേർന്ന് പ്രസ്താവനയിറക്കുന്നത്. നവംബർ പതിനഞ്ചിനാണ് ഇതുസംബന്ധിച്ച അറിയിപ്പുണ്ടായത്.

നിരായുധീകരണത്തിനുവേണ്ടിയുള്ള ഐക്യരാഷ്ട്രസഭയുടെ സമിതിയുടെ ഉന്നതപ്രതിനിധി ഇസുമി നാകാമിത്സു മാനവികകാര്യങ്ങൾ, അടിയന്തിരസഹായങ്ങൾ എന്നിവയ്ക്കായുളള അണ്ടർസെക്രെട്ടറി മാർട്ടിൻ ഗ്രിഫിത്സ്, ശിശുക്ഷേമനിധി ഡയറക്ടർ ജനറൽ കാതറിൻ റസ്സൽ, റെഡ്‌ക്രോസിന്റെ മിർജാന സ്‌പോൾയാരിക് എന്നിവർ ഒരുമിച്ച് ചേർന്നാണ് ഇത്തരമൊരു പ്രസ്താവനയിറക്കുന്നത്. ജനവാസമേഖലകളിൽ സ്ഫോടനാത്മക ആയുധങ്ങൾ ഉപയോഗിക്കുന്നതിലൂടെ വരുന്ന മാനവികപ്രശ്നങ്ങളിൽനിന്ന് സാധാരണ ജനങ്ങൾക്ക് സംരക്ഷണം ശക്തിപ്പെടുത്തുകയാണ് ഇതുവഴി ഉദ്ദേശിക്കുന്നത്.

സാധാരണ ജനങ്ങളെ ആക്രമിക്കുന്നതും, നഗരങ്ങൾ നശിപ്പിക്കുന്നതും അംഗീകരിക്കാനാകില്ല എന്ന ഒരു ശക്തമായ സന്ദേശം ലോകമെമ്പാടും നൽകുകയാണ് ഇതുവഴി ഐക്യരാഷ്ട്രസഭയും റെഡ്‌ക്രോസ്സും ഉദ്ദേശിക്കുന്നത്. അന്താരാഷ്ട്ര മനുഷ്യാവകാശം മാനിക്കപ്പെടുക, കക്ഷിരാഷ്ട്രങ്ങൾ ജനവാസമേഖലകളിൽ സ്ഫോടനായുധങ്ങൾ ഉപയോഗിക്കുന്നത് ഉപേക്ഷിക്കുകയോ, കുറയ്ക്കുകയെങ്കിലുമോ ചെയ്യുക തുടങ്ങിയവയാണ് ലക്‌ഷ്യം.

നവംബർ പതിനെട്ട് ശനിയാഴ്ച അയർലണ്ടിലെ ഡബ്ലിനിൽ ഇതുമായി ബന്ധപ്പെട്ടു നടക്കുന്ന കോൺഫെറെൻസിൽ വച്ചായിരിക്കും ഈ പ്രസ്താവന പുറത്തുവിടുന്നത്. ഏതാണ്ട് മൂന്ന് വർഷത്തെ പഠനങ്ങളുടെ ഫലമായാണ് ഈ രാഷ്ട്രീയപ്രസ്താവന തയ്യാറാക്കപ്പെട്ടത്.

ജനവാസമേഖലകളിൽ സ്ഫോടനായുധങ്ങളുടെ ഉപയോഗം മൂലമുണ്ടാകുന്ന  അംഗവൈകല്യം, മാനസികാഘാതം തുടങ്ങിയ ദുർഫലങ്ങൾ, വളരെയേറെക്കാലം നീണ്ടുനിൽക്കുന്നതാണ്.

സമ്മേളനത്തിൽ പങ്കെടുക്കുന്ന നിരായുധീകരണത്തിനുവേണ്ടിയുള്ള ഐക്യരാഷ്ട്രസഭയുടെ സമിതിയുടെ ഉന്നതപ്രതിനിധി ഇസുമി നാകാമിത്സു ഐക്യരാഷ്ട്രസഭയുടെ സെക്രട്ടറി ജനറൽ അന്തോണിയോ ഗുത്തേരെസിന്റെ പേരിൽ സന്ദേശം കൈമാറും.

വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്‌ത്‌ വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക:

16 നവംബർ 2022, 14:06
Prev
March 2025
SuMoTuWeThFrSa
      1
2345678
9101112131415
16171819202122
23242526272829
3031     
Next
April 2025
SuMoTuWeThFrSa
  12345
6789101112
13141516171819
20212223242526
27282930